ઇસ્લામાબાદ, નવી દિલ્હી, 04 જૂન (હિ.સ.). બલુચિસ્તાનની રાજધાની ક્વેટામાં ગયા મહિને લિંક ટ્રેન પર થયેલા આત્મઘાતી હુમલા બાદ પાકિસ્તાનના સુરક્ષા દળો દ્વારા શંકાસ્પદોની શોધમાં મંગળવારે શરૂ કરાયેલું અભિયાન હજુ પણ ચાલુ છે. 17 વિદ્રોહીઓ માર્યા ગયા બાદ સશસ્ત્ર જૂથોએ પણ હુમલા કરવાનું શરૂ કરી દીધું છે. કલાત જિલ્લામાં પાકિસ્તાનની સેનાના બોમ્બ નિરોધક દળના જવાનોને નિશાન બનાવવામાં આવ્યા. પંજગુરના ચિડગી વિસ્તારમાં આ જૂથે સૈન્ય હેલિકોપ્ટર પર ગોળા દાગ્યા.

ધ બલુચિસ્તાન પોસ્ટના અહેવાલ મુજબ, કલાતના મંગચર વિસ્તારમાં સેનાના બોમ્બ નિરોધક દળના જવાનો પર રસ્તા કિનારે રાખેલા એક દેશી બોમ્બથી વિસ્ફોટ કરવામાં આવ્યો. આ સમયે સેના મંગચર અને આસપાસના વિસ્તારોમાં સતત દરોડા પાડી રહી છે. સ્થાનિક લોકોના મતે, સૈન્ય હેલિકોપ્ટરો દ્વારા ગઈકાલે ઘણી જગ્યાએ ભારે ગોળીબાર કરવામાં આવ્યો. સેનાએ આ દરમિયાન સશસ્ત્ર વિદ્રોહીઓના લડવૈયાઓ, તેમના બખ્તરબંધ વાહનો અને ઠેકાણાઓ પર હવાઈ હુમલો કર્યો.

સશસ્ત્ર જૂથોએ પંજગુર જિલ્લાના ચિડગી વિસ્તારમાં સૈન્ય હેલિકોપ્ટરોને ભારે હથિયારોથી નિશાન બનાવ્યા. તોપખાનાનો ઉપયોગ કરવામાં આવ્યો. જણાવવામાં આવ્યું છે કે, સુરક્ષા દળો શંકાના આધારે બલોચ યુવકોને તેમના ઘરેથી ઉઠાવી રહ્યા છે. સેના છેલ્લા કેટલાક દિવસોથી ચિડગી અને તેની આસપાસના વિસ્તારોમાં પડાવ નાખીને બેઠી છે.

હિન્દુસ્થાન સમાચાર / મુકુંદ / પવન કુમાર

હિન્દુસ્થાન સમાચાર / ડો.હિતેશ એન.વ્યાસ