નવી દિલ્હી, 06 જૂન (હિ.સ.). ભારતીય ક્રિકેટ નિયંત્રણ બોર્ડ (બીસીસીઆઈ) એ, શનિવારે જાપાનના આઈચી-નાગોયામાં 19 સપ્ટેમ્બરથી 4 ઓક્ટોબર સુધી યોજાનાર એશિયન ગેમ્સ 2026 માટે ભારતીય પુરુષ ક્રિકેટ ટીમની જાહેરાત કરી દીધી.

15 સભ્યોની ભારતીય ટીમનું સુકાનીપદ શ્રેયસ અય્યરને સોંપવામાં આવ્યું છે. તેણે સૂર્યકુમાર યાદવનું સ્થાન લીધું છે.

આ વર્ષે ભારતને ટી-20 વર્લ્ડ કપનો ખિતાબ અપાવનાર સૂર્યકુમાર યાદવને આ વખતે ટીમમાં સ્થાન મળ્યું નથી.

ટીમમાં 15 વર્ષીય યુવા બેટ્સમેન વૈભવ સૂર્યવંશીનો પણ સમાવેશ કરવામાં આવ્યો છે. વૈભવે ઇન્ડિયન પ્રીમિયર લીગ 2026માં ઐતિહાસિક પ્રદર્શન કરતા રાજસ્થાન રોયલ્સ માટે 16 મેચમાં 776 રન બનાવ્યા હતા અને આખી સિઝનમાં સૌથી વધુ રન બનાવનાર ખેલાડી રહ્યા હતા.

ભારતીય ઝડપી બોલિંગ આક્રમણના મુખ્ય ખેલાડી જસપ્રીત બુમરાહને પણ એશિયન ગેમ્સની ટીમમાં સ્થાન આપવામાં આવ્યું છે. જોકે, તેમને જૂન અને જુલાઈમાં આયર્લેન્ડ અને ઇંગ્લેન્ડ સામે રમાનારી ટી-20 આંતરરાષ્ટ્રીય શ્રેણીઓ માટે આરામ આપવામાં આવ્યો હતો.

ભારત વર્તમાન એશિયન ગેમ્સ ક્રિકેટ સ્પર્ધાનો સુવર્ણ ચંદ્રક વિજેતા છે.

છેલ્લી વખત વર્ષ 2023માં ઋતુરાજ ગાયકવાડના સુકાનીપદ હેઠળ ભારતીય ટીમે સુવર્ણ ચંદ્રક જીત્યો હતો.

ભારત ઉપરાંત અફઘાનિસ્તાન, બાંગ્લાદેશ, પાકિસ્તાન, શ્રીલંકા અને યજમાન જાપાને સીધા સ્પર્ધા માટે સ્થાન મેળવ્યું છે.

જ્યારે નેપાળ, મલેશિયા, હોંગકોંગ અને ઓમાને ક્વોલિફાઇંગ સ્પર્ધા દ્વારા સ્થાન બનાવ્યું અને આ રીતે કુલ 10 ટીમોનું જૂથ પૂર્ણ થયું.

ભારતીય ટીમ:

શ્રેયસ અય્યર (સુકાની), અભિષેક શર્મા, સંજુ સેમસન (વિકેટકીપર), ઈશાન કિશન (વિકેટકીપર), શિવમ દુબે, તિલક વર્મા (ઉપસુકાની), નીતિશ કુમાર રેડ્ડી, અક્ષર પટેલ, વોશિંગ્ટન સુંદર, વરુણ ચક્રવર્તી, રવિ બિશ્નોઈ, જસપ્રીત બુમરાહ, હર્ષિત રાણા, અર્શદીપ સિંહ અને વૈભવ સૂર્યવંશી.

હિન્દુસ્થાન સમાચાર / સુનીલ દુબે / પવન કુમાર

હિન્દુસ્થાન સમાચાર / ડો.હિતેશ એન.વ્યાસ