નવી દિલ્હી, 08 જૂન (હિ.સ.). રાષ્ટ્રપતિ દ્રૌપદી મુર્મુ, 23 જૂનના રોજ રાષ્ટ્રપતિ ભવનમાં આયોજિત થનારા બીજા નાગરિક સન્માન સમારોહમાં આ વર્ષના 65 પ્રતિષ્ઠિત વ્યક્તિઓને પદ્મ પુરસ્કારો પ્રદાન કરશે. રાષ્ટ્રપતિએ આ પહેલાં 25 મેના રોજ પહેલા નાગરિક સન્માન સમારોહમાં 66 પ્રતિષ્ઠિત વ્યક્તિઓને પદ્મ પુરસ્કારો પ્રદાન કર્યા હતા. જેમાં 2 પદ્મ વિભૂષણ, 6 પદ્મ ભૂષણ અને 58 પદ્મશ્રી પુરસ્કારો સામેલ હતા.

આ વર્ષે રાષ્ટ્રપતિએ પાંચ પદ્મ વિભૂષણ, 13 પદ્મ ભૂષણ અને 113 પદ્મશ્રી પુરસ્કારો સહિત કુલ 131 પદ્મ પુરસ્કારોને મંજૂરી આપી હતી. આ પુરસ્કારો દર વર્ષે ગણતંત્ર દિવસના અવસરે જાહેર કરવામાં આવે છે. આ પ્રતિષ્ઠિત નાગરિક સન્માનો કલા, સામાજિક કાર્ય, જાહેર બાબતો, વિજ્ઞાન અને એન્જિનિયરિંગ, વેપાર અને ઉદ્યોગ, ચિકિત્સા, સાહિત્ય અને શિક્ષણ, રમતગમત અને નાગરિક સેવા જેવા વિવિધ ક્ષેત્રોમાં આપવામાં આવે છે.

ઉલ્લેખનીય છે કે, પદ્મ વિભૂષણ અસાધારણ અને વિશિષ્ટ સેવા માટે, પદ્મ ભૂષણ ઉચ્ચ કક્ષાની વિશિષ્ટ સેવા માટે અને પદ્મશ્રી કોઈપણ ક્ષેત્રમાં વિશિષ્ટ સેવા માટે પ્રદાન કરવામાં આવે છે. રાષ્ટ્રપતિ ભવનમાં યોજાનારો આ સમારોહ દેશના વિવિધ ક્ષેત્રોમાં ઉલ્લેખનીય યોગદાન આપનાર વ્યક્તિઓને સન્માનિત કરવાનો મહત્વપૂર્ણ અવસર હશે.

હિન્દુસ્થાન સમાચાર / સુશીલ કુમાર / પવન કુમાર

હિન્દુસ્થાન સમાચાર / માધવી વ્યાસ