નવી દિલ્હી, 08 જૂન (હિ.સ.) યશરાજ ફિલ્મ્સની બહુ અપેક્ષિત જાસૂસ બ્રહ્માંડ ફિલ્મ 'આલ્ફા' નું ટીઝર 10 જુનના રોજ રજૂ કરવામાં આવશે. આલિયા ભટ્ટ અને શરવરી અભિનીત આ ફિલ્મનો ફર્સ્ટ લુક એક છોકરીની મૂળ વાર્તા રજૂ કરશે, જેને ખતરનાક હત્યારા તરીકે તૈયાર કરવામાં આવી છે. વાયઆરએફ સ્પાય યુનિવર્સની આ પહેલી ફિલ્મ છે જે એક મહિલા હત્યારાની સફર પર આધારિત છે. આ ફિલ્મનું નિર્દેશન 'ધ રેલવે મેન ફેમ શિવ રવૈલે કર્યું છે.
સૂત્રોના જણાવ્યા અનુસાર, ટીઝર રિલીઝની સાથે ફિલ્મ માટે એક મોટું માર્કેટિંગ અને પ્રચાર અભિયાન પણ હશે. આ અભિયાનનું કેન્દ્ર માત્ર ફિલ્મ નહીં, પરંતુ 'આલ્ફા' નામ સાથે સંકળાયેલ વિચાર અને વલણ હશે. એવા અહેવાલો મળી રહ્યા છે કે આદિત્ય ચોપરા અને તેમની ટીમે સમગ્ર દેશમાં ડિજિટલ અભિયાનો, યુવા કાર્યક્રમો અને વિવિધ પ્રવૃત્તિઓ દ્વારા આધુનિક ભારતના આત્મવિશ્વાસ અને સ્પષ્ટવક્તા યુવાનોની ઉજવણી કરવા માટે બહુપક્ષીય વ્યૂહરચના ઘડી છે.
સૂત્રોનું કહેવું છે કે, ફિલ્મનું પ્રચાર અભિયાન ખાસ કરીને મહિલા સશક્તિકરણ અને આત્મનિર્ભરતાના વિચારને સંબોધિત કરશે. 'આલ્ફા' ને એક પ્રતીક તરીકે રજૂ કરવામાં આવશે જે પોતાનું ભાગ્ય લખવાના અને સામાજિક બંધનને પડકારવાના વિચારને રજૂ કરે છે. આ ફિલ્મમાં આલિયા ભટ્ટ અને શરવરી ઉપરાંત બોબી દેઓલ અને અનિલ કપૂર પણ મુખ્ય ભૂમિકામાં છે. આ વાયઆરએફ મેગા-બજેટ એક્શન થ્રિલરને વર્ષની સૌથી અપેક્ષિત ફિલ્મોમાંની એક માનવામાં આવે છે.
હિન્દુસ્થાન સમાચાર/લોકેશ ચંદ્ર દુબે/રામાનુજ શર્મા
હિન્દુસ્થાન સમાચાર / માધવી વ્યાસ
