નવી દિલ્હી, 30 જુલાઈ (હિ.સ.). વૈશ્વિક બજારમાંથી આજે નબળાઈના સંકેતો મળી રહ્યા છે. અમેરિકી બજારો પાછલા સત્ર દરમિયાન મોટી ગિરાવટ સાથે બંધ થયા. જ્યારે ડાઉ જોન્સ વાયદા આજે તેજી સાથે કારોબાર કરતું જોવા મળી રહ્યું છે. યુરોપિયન બજારમાં પાછલા સત્ર દરમિયાન મિશ્ર કારોબાર થતો રહ્યો. જ્યારે એશિયન બજારમાં પણ આજે મિશ્ર કારોબાર થતો જોવા મળી રહ્યો છે.

અમેરિકી ફેડરલ રિઝર્વ દ્વારા વ્યાજ દરોને સ્થિર રાખવાના નિર્ણયથી શેરબજાર અને અમેરિકી બોન્ડ બજારનો માહોલ બગડી ગયો, જેના કારણે વોલ સ્ટ્રીટના સૂચકાંકો મોટી ગિરાવટનો શિકાર બન્યા. નિયમિત કારોબારી સત્રમાં ડાઉ જોન્સ ઔદ્યોગિક સરેરાશ 1,153.18 અંક એટલે કે 2.19 ટકા તૂટ્યો. આ જ રીતે એસ એન્ડ પી 500 સૂચકાંકે 112.63 અંક એટલે કે 1.52 ટકા ગગડીને 7,316.15 અંકના સ્તરે પાછલા સત્રના કારોબારનો અંત કર્યો. આ ઉપરાંત નેસ્ડેક 433.97 અંક એટલે કે 1.74 ટકાની નબળાઈ સાથે 24,442.94 અંકના સ્તરે બંધ થયો. જ્યારે ડાઉ જોન્સ વાયદા આજે હાલમાં 0.13 ટકાની મજબૂતી સાથે 51,660.39 અંકના સ્તરે કારોબાર કરતું જોવા મળી રહ્યું છે.

યુરોપિયન બજારો પાછલા સત્ર પછી મિશ્ર પરિણામો સાથે બંધ થયા. એફટીએસઈ સૂચકાંક 0.34 ટકાની તેજી સાથે 10,908.41 અંકના સ્તરે બંધ થયો. તેનાથી વિપરીત સીએસી સૂચકાંકે 0.60 ટકાની નબળાઈ સાથે 8,408.27 અંકના સ્તરે પાછલા સત્રના કારોબારનો અંત કર્યો. આ ઉપરાંત ડીએએક્સ સૂચકાંક 0.01 ટકાના નજીવા ઘટાડા સાથે 25,460.48 અંકના સ્તરે બંધ થયો.

એશિયન બજારમાં આજે મિશ્ર કારોબાર થઈ રહ્યો છે. એશિયાના નવ બજારોમાંથી પાંચના સૂચકાંકો ગિરાવટ સાથે લાલ નિશાનમાં કારોબાર કરી રહ્યા છે, જ્યારે ચાર સૂચકાંકો મજબૂતી સાથે લીલા નિશાનમાં જળવાઈ રહ્યા છે. ગિફ્ટ નિફ્ટી 0.05 ટકાના વધારા સાથે 24,315.50 અંકના સ્તરે કારોબાર કરી રહ્યો છે. આ જ રીતે નિક્કેઈ સૂચકાંક 300.81 અંક એટલે કે 0.49 ટકાની તેજી સાથે 61,735 અંકના સ્તરે પહોંચ્યો છે. આ ઉપરાંત તાઈવાન વેઈટેડ સૂચકાંક 489.57 અંક એટલે કે 1.22 ટકાનો ઉછાળો લઈને 40,528.75 અંકના સ્તરે અને જકાર્તા કમ્પોઝિટ સૂચકાંક 0.84 ટકાની મજબૂતી સાથે 6,142.38 અંકના સ્તરે કારોબાર કરી રહ્યા છે.

બીજી તરફ, સ્ટ્રેટ્સ ટાઈમ્સ સૂચકાંક 0.77 ટકાની નબળાઈ સાથે 5,669.14 અંકના સ્તરે પહોંચ્યો છે. આ જ રીતે હેંગ સેંગ સૂચકાંક 0.07 ટકા તૂટીને 25,789 અંકના સ્તરે આવી ગયો છે. કોસ્પી સૂચકાંકમાં આજે મોટી ગિરાવટ જોવા મળી રહી છે. હાલમાં આ સૂચકાંક 99.34 અંક એટલે કે 1.75 ટકા લપસીને 5,563.90 અંકના સ્તરે આવી ગયો છે. સેટ કમ્પોઝિટ સૂચકાંકમાં પણ આજે 1.56 ટકાની નબળાઈ જોવા મળી રહી છે. હાલમાં આ સૂચકાંક 1,599.18 અંકના સ્તરે પહોંચ્યો છે. આ ઉપરાંત શાંઘાઈ કમ્પોઝિટ સૂચકાંક 1.15 ટકા ગગડીને 3,784.55 અંકના સ્તરે કારોબાર કરી રહ્યો છે.

હિન્દુસ્થાન સમાચાર / યોગિતા પાઠક / મુકુંદ

હિન્દુસ્થાન સમાચાર / માધવી વ્યાસ