નવી દિલ્હી, 31 જુલાઈ (હિં.સ.)। રાષ્ટ્રપતિ દ્રૌપદી મુર્મુ, ઉપરાષ્ટ્રપતિ સી.પી. રાધાકૃષ્ણન, રક્ષા મંત્રી રાજનાથ સિંહ અને અન્ય નેતાઓએ, આજે ગ્લાસગો કોમનવેલ્થ ગેમ્સ 2026ના ભારતીય પદક વિજેતાઓને અભિનંદન પાઠવ્યા.

રાષ્ટ્રપતિ મુર્મુએ એક્સ પર લખ્યું, ગ્લાસગો કોમનવેલ્થ ગેમ્સ 2026માં મહિલાઓની ડિસ્કસ થ્રો ઇવેન્ટમાં બ્રોન્ઝ મેડલ જીતવા બદલ સીમા કાલિરામનાને ખૂબ ખૂબ અભિનંદન. તમારી આ સિદ્ધિ તમારા દ્રઢ સંકલ્પ, સમર્પણ અને સખત મહેનતનો પુરાવો છે. તમારી સફળતા રમતગમતના ક્ષેત્રમાં ઉત્કૃષ્ટ પ્રદર્શન કરવા માટે યુવા મહિલાઓને પ્રેરિત કરશે. તમે આ જ રીતે દેશનું નામ રોશન કરતા રહો. ગ્લાસગો કોમનવેલ્થ ગેમ્સ 2026માં પુરુષોની 110+ કિગ્રા વેઈટલિફ્ટિંગ ઇવેન્ટમાં સિલ્વર મેડલ જીતવા બદલ લવપ્રીત સિંહને હાર્દિક અભિનંદન. તમારું શાનદાર પ્રદર્શન તમારા અતુટ સંકલ્પ, અદ્ભુત તાકાત અને શ્રેષ્ઠ પ્રદર્શનના સતત પ્રયાસને દર્શાવે છે. તમારી આ સિદ્ધિએ દરેક ભારતીયને ખૂબ ગર્વ અને ખુશી આપી છે. હું કામના કરું છું કે, આવનારા વર્ષોમાં તમે વધુ ઘણી સિદ્ધિઓ હાંસલ કરો.

ઉપરાષ્ટ્રપતિ રાધાકૃષ્ણને કહ્યું કે, ખેલાડીઓની શાનદાર સિદ્ધિઓએ દેશનું ગૌરવ વધાર્યું છે અને આ અસંખ્ય યુવા એથ્લેટ્સને પ્રેરિત કરશે. આવનારા સમયમાં વિજેતાઓને વધુ સફળતાઓ મળે, એવી જ શુભકામના છે.

રક્ષા મંત્રી રાજનાથ સિંહે કહ્યું કે, પદક વિજેતાઓની શાનદાર કામગીરી તેમની સખત મહેનત, જબરદસ્ત તાકાત અને અતુટ સંકલ્પનું પરિણામ છે. ભવિષ્યના તેમના પ્રયાસો માટે તેમને ખૂબ ખૂબ શુભકામનાઓ. કેન્દ્રીય વાણિજ્ય અને ઉદ્યોગ મંત્રી પીયૂષ ગોયલે કહ્યું કે ખેલાડીઓની આ જીત તેમના સંપૂર્ણ ફોકસ અને લગનનો પુરાવો છે.

હિન્દુસ્થાન સમાચાર / શ્રદ્ધા દ્વિવેદી / મુકુંદ

હિન્દુસ્થાન સમાચાર / ડો.હિતેશ એન.વ્યાસ