રાજૌરી, નવી દિલ્હી, 31 જુલાઈ (હિ.સ.) સુરક્ષા દળોને રાજૌરી જિલ્લાના એક જંગલમાંથી શંકાસ્પદ આતંકવાદીઓનું ઠેકાણું મળ્યું છે અને ત્યાંથી રાશન તથા રસોઈના વાસણો જપ્ત કરવામાં આવ્યા છે. આ પછી સેના, સીઆરપીએફ અને પોલીસે શુક્રવારે વિસ્તારમાં તલાશી શરૂ કરી છે.

અધિકારીઓએ આજે જણાવ્યું કે, આ ઠેકાણું ગુરુવારે મોડી સાંજે થાનામંડીના ભંગાઈ જંગલ વિસ્તારમાં ચલાવવામાં આવેલા તલાશી અભિયાન દરમિયાન મળ્યું. આ ઠેકાણું ગાઢ જંગલ અને ગાઢ ઝાડીઓ વચ્ચે બનાવવામાં આવ્યું હતું. તેમણે જણાવ્યું કે, જપ્ત કરવામાં આવેલી વસ્તુઓમાં ચોખાના બે પેકેટ, ઇન્સ્ટન્ટ નૂડલ્સ, એક છરી, એક લાઇટર, એક પ્લાસ્ટિકની ચાદર, એક જૂનો ધાબળો, ગેસના ચૂલાનું નોઝલ, બે મીણબત્તીઓ અને એક પ્લાસ્ટિકની બોટલનો સમાવેશ થાય છે.

છેલ્લી માહિતી મળવા સુધી, તે વિસ્તારમાં તલાશી અભિયાન ચાલુ છે.

હિન્દુસ્થાન સમાચાર / બલવાન સિંહ / સુનીત નિગમ

હિન્દુસ્થાન સમાચાર / ડો.હિતેશ એન.વ્યાસ