ગુવાહાટી, નવી દિલ્હી, 01 ઓગસ્ટ (હિ.સ.) આસામ પોલીસની એસટીએફ અને કામરૂપ જિલ્લાની અમીનગાંવ પોલીસે ગુપ્ત માહિતીના આધારે અભિયાન ચલાવીને 12.5 કરોડ રૂપિયાની કિંમતનો માદક પદાર્થ જપ્ત કરવાની સાથે જ ત્રણ તસ્કરોની ધરપકડ કરી છે.

આસામ પોલીસના સીપીઆરઓ (સીપીઆરઓ) એ શનિવારે જણાવ્યું છે કે, પાકી માહિતી મળી હતી કે, કાકચિંગ (મણિપુર) થી નીચલા આસામના એક જિલ્લામાં ગાડી (એએસ -11એએ-6800) દ્વારા નશીલા પદાર્થોનો એક જથ્થો લઈ જવામાં આવશે.

આ માહિતીના આધારે, સ્પેશિયલ ટાસ્ક ફોર્સ (એસટીએફ) અને કામરૂપ જિલ્લાની પોલીસે અમીનગાંવમાં ગાડીને રોકી અને તેમાં મણિપુરના ત્રણ લોકો મળ્યા. જેમની ઓળખ તાબિશ (24, ડ્રાઈવર), થેકચમ અવિનાશ સિંહ (41, કો-ડ્રાઈવર) અને નોંગમેથેમ બિસ્વજીત (38) તરીકે કરવામાં આવી છે.

ગાડીના ગુપ્ત સ્થાનોમાં છુપાવેલી 50 હજાર યાબા ગોળીઓ (જેમાં મેથામફેટામાઇન હતું) જપ્ત કરવામાં આવી, જેમનું વજન 5 કિલો હતું. આ ઉપરાંત, 5 સાબુદાનીમાં છુપાવેલું હેરોઈન પણ જપ્ત કરવામાં આવ્યું, જેમનું વજન 67.5 ગ્રામ હતું. આ મામલે કાયદેસરની કાર્યવાહી કરવામાં આવી રહી છે.

જપ્ત કરાયેલા નશીલા પદાર્થોની બજાર કિંમત 12.5 કરોડ છે, જ્યારે સીઆઈડીના અનુસાર તેમની કિંમત 7.5 કરોડ રૂપિયા છે.

હિન્દુસ્થાન સમાચાર / અરવિંદ રાય / અમરેશ દ્વિવેદી

હિન્દુસ્થાન સમાચાર / ડો.હિતેશ એન.વ્યાસ