જુનાગઢ,15 ઓગસ્ટ (હિ.સ.) જૂનાગઢ,, હર ઘર સ્વદેશી ઘર ઘર સ્વદેશી, વિકાસ ભિ વિરાસત ભી વડાપ્રધાન નરેન્દ્ર મોદીની આ મુહીમને ધ્યાનમાં રાખતા ગુજરાત મહિલા આર્થિક વિકાસ નિગમ લિમિટેડ, મહિલા અને બાળ વિકાસ વિભાગ- ગુજરાત સરકાર, જૂનાગઢ જિલ્લા વહીવટી તંત્રના માર્ગદર્શન અનુસાર જૂનાગઢ શહેરમાં એ.જી. હાઇસ્કૂલ મેદાન ખાતે રાખી મેળાનું આયોજન કરાયું છે. આ મેળાનો સમય સવારના ૧૧:૦૦ થી રાત્રિના ૧૧:૦૦ કલાક સુધીનો રહેશે. તા.૧૪/૦૮/૨૦૨૬ થી આગામી તા.૨૩/૦૮/૨૦૨૬ સુધી સ્નેહની રાખી- સ્વાવલંબનની ડોરી આ થીમ હેઠળ સમગ્ર કાર્યક્રમ અને પ્રદર્શની યોજાશે. જે અંતર્ગત મહાનુભાવોના હસ્તે આ મેળાનું ભવ્ય ઉદ્ઘાટન સમારોહ યોજાયો હતો. કાર્યક્રમની શરૂઆત દીપ પ્રાગટ્ય વડે કરાઈ હતી. ઉલ્લેખનીય છે કે આ રાખી મેળામાં ૫૦ જેટલા વિવિધ સ્ટોલ્સ લગાવવામાં આવ્યા છે.

ત્યારબાદ ઉપસ્થિત સર્વેએ મેળાના વિવિધ સ્ટોલ્સની મુલાકાત લીધી હતી. આ તકે જૂનાગઢ જિલ્લા પંચાયતના પ્રમુખ લીના કાવાણી, જૂનાગઢ મહાનગરપાલિકાના પ્રમુખ ધર્મેશ પોશીયા, ધારાસભ્ય સંજય કોરડીયા, ડેપ્યુટી મેયર આકાશ કટારા, અન્ય મહેમાનો, મુલાકાતીઓ ઉપસ્થિત રહ્યા હતા.

હિન્દુસ્થાન સમાચાર / ભરતસિંહ જાદવ