નવી દિલ્હી, 02 ઓગસ્ટ (હિં.સ.) દેશમાં જુલાઈ દરમિયાન કોલસા ઉત્પાદનમાં 7.51 ટકાનો વધારો નોંધાયો છે. આ સમયગાળામાં કુલ ઉત્પાદન 69 કરોડ 75 લાખ ટન (કામચલાઉ) રહ્યું, જ્યારે જુલાઈ 2025માં તે 64 કરોડ 88 લાખ ટન હતું. આ જ મહિને કોલસાની ફાળવણીમાં પણ નોંધપાત્ર 17.34 ટકાનો વધારો થયો અને તે 86 કરોડ 33 લાખ ટન (કામચલાઉ) સુધી પહોંચી ગયું, જ્યારે ગયા વર્ષે જુલાઈમાં તે 73 કરોડ 57 લાખ ટન હતું.

કોલસા મંત્રાલયે જણાવ્યું કે, નાણાકીય વર્ષ 2026-27માં જુલાઈ સુધીનું સંચિત ઉત્પાદન 302 કરોડ 24 લાખ ટન (કામચલાઉ) રહ્યું, જ્યારે સંચિત ફાળવણી 354 કરોડ 70 લાખ ટન (કામચલાઉ) નોંધાઈ, જે ગયા નાણાકીય વર્ષની સરખામણીમાં 5.87 ટકા વધુ છે.

કોલ ઇન્ડિયા લિમિટેડે જુલાઈમાં 50 કરોડ 35 લાખ ટન (કામચલાઉ) ઉત્પાદન કર્યું, જે જુલાઈ 2025ની સરખામણીમાં 8.42 ટકા વધુ છે. કંપનીએ જુલાઈ 2026માં 63 કરોડ 67 લાખ ટન (કામચલાઉ) કોલસો મોકલ્યો, જે ગયા વર્ષની સરખામણીમાં 17.43 ટકા વધુ છે. સંચિત ફાળવણીમાં પણ 6.81 ટકાનો વધારો નોંધાયો છે.

હિન્દુસ્થાન સમાચાર / પ્રશાંત શેખર / સંજીવ પાશ

હિન્દુસ્થાન સમાચાર / માધવી વ્યાસ