નવી દિલ્હી, 02 ઓગસ્ટ (હિ.સ.) કોંગ્રેસ નેતા જયરામ રમેશે આસામ સરકાર દ્વારા 'જમીન અધિકાર કાર્યકર્તા' પ્રણબ ડોલે પર રાષ્ટ્રીય સુરક્ષા અધિનિયમ (એનએસએ) લગાવવાનો વિરોધ કર્યો. તેમણે કહ્યું કે આ નિવારક અટકાયત કાયદાઓનો ખુલ્લો દુરુપયોગ છે અને અદાલતના આદેશને નિષ્પ્રભાવી કરવાની કોશિશ છે.

રમેશે સોશિયલ મીડિયા પ્લેટફોર્મ 'એક્સ' પર કહ્યું કે, 29 જુલાઈના રોજ સેશન્સ કોર્ટે ડોલેને જામીન આપ્યા હતા અને અદાલતે એ પણ ટિપ્પણી કરી હતી કે 'જ્યાં પારિસ્થિતિક સંરક્ષણ અને આદિવાસી અસ્તિત્વનો સવાલ જોડાયેલો હોય, ત્યાં કાયદેસરની સ્થાનિક ચિંતાઓને દબાવવા માટે ફોજદારી કાયદાનો ઉપયોગ કરી શકાય નહીં.' આના છતાં 30 જુલાઈના રોજ આસામ સરકારે એનએસએ લગાવીને તેમને અટકાયતમાં લીધા.

તેમણે આરોપ લગાવ્યો કે, ડોલેને એટલા માટે નિશાન બનાવવામાં આવ્યા, કારણ કે તેમણે ગ્રામજનોનું સમર્થન કર્યું હતું, જે કાઝીરંગા રાષ્ટ્રીય ઉદ્યાન પાસે પ્રસ્તાવિત પાંચ સિતારા રિસોર્ટનો વિરોધ કરી રહ્યા છે. સ્થાનિક નિવાસીઓએ 2022 થી આ પરિયોજના વિરુદ્ધ આંદોલન કર્યું છે અને અહીં સુધી કે ગુવાહાટી હાઈ કોર્ટમાં અરજી પણ દાખલ કરી છે.

રમેશે કહ્યું કે, એનએસએ આદેશમાં અસ્પષ્ટ આરોપો લગાવવામાં આવ્યા છે, જેમ કે 'શંકાસ્પદ વિદેશી લેણદેણ', જે તેમના અનુસાર કેન્દ્ર સરકારનો પરિચિત તરીકો છે. ભાજપ સરકારો મજૂરો, આદિવાસીઓ અને હાંસિયામાં ધકેલાઈ ગયેલા સમુદાયોની કાયદેસરની ફરિયાદોને ધરપકડો અને કઠોર કાયદાઓ દ્વારા દબાવી શકે નહીં.

હિન્દુસ્થાન સમાચાર / પ્રશાંત શેખર / સુનીત નિગમ

હિન્દુસ્થાન સમાચાર / માધવી વ્યાસ