કાઠમંડુ,26 ઓગસ્ટ (હિ.સ.) આ જે સવારે તિબેટમાં ગ્લેશિયર ફાટવાથી નેપાળના સરહદી વિસ્તારમાં ભારે પૂર આવ્યું, નેપાળ-ચીન સરહદ પર નેપાળમાં પ્રવેશવાની રાહ જોઈ રહેલા 500 થી વધુ કન્ટેનર વહી ગયા હોવાના અહેવાલ છે.

નેપાળ હિમાલયન ટ્રાન્સબાઉન્ડરી ટ્રેડ એસોસિએશનના જણાવ્યા અનુસાર, રાસુવાના તિમુરે ખાતે કસ્ટમ ઓફિસ યાર્ડમાં સંગ્રહિત સેંકડો કન્ટેનર પૂરમાં વહી ગયા છે. એસોસિએશનના સેક્રેટરી અંગદોર્જે શેરપાના જણાવ્યા અનુસાર, પ્રાથમિક માહિતી દર્શાવે છે કે યાર્ડમાં સંગ્રહિત આશરે 200 કન્ટેનર વહી ગયા છે. તેવી જ રીતે, ચીનમાં માલ લઈ જતા આશરે 300 કન્ટેનર પણ પૂરથી પ્રભાવિત થયા છે. શેરપાએ કહ્યું કે કદાચ આ કન્ટેનરમાંથી માત્ર 10 ટકા જ બચી શક્યા હશે. તિમુરેમાં રહેતા મારા ભાઈઓએ અહેવાલ આપ્યો છે કે આખું ગામ વહી ગયું છે. કન્ટેનર પણ લાઇનમાં ઉભા હતા. ચીન તરફ જતા રસ્તાનો કોઈ પત્તો નથી.

તેમણે જણાવ્યું કે એક હેલિકોપ્ટર તૈમુરે પહોંચ્યું છે, અને સાતથી આઠ ઘાયલ લોકોને બચાવીને કાઠમંડુ મોકલવામાં આવ્યા છે. કસ્ટમ ઓફિસ આવેલા તૈમુરે વિસ્તારમાં પૂરના પાણી થોડા ઓછા થયા છે, અને ટેલિફોન સેવાઓ ધીમે ધીમે કાર્યરત થઈ રહી છે.

યુનિયન પ્રમુખ રામહરિ કાર્કીએ એમ પણ જણાવ્યું હતું કે સેંકડો કન્ટેનર અને મોટી સંખ્યામાં લોકો પૂરથી પ્રભાવિત થયા છે. તેમણે જણાવ્યું હતું કે અચાનક આવેલા પૂરથી જાનમાલનું ભારે નુકસાન થયું છે.

હિન્દુસ્થાન સમાચાર/પંકજ દાસ/સુનિલ નિગમ

હિન્દુસ્થાન સમાચાર / હર્ષ શાહ