નવી દિલ્હી, 9 ઓગસ્ટ (હિ.સ.) : આમ આદમી પાર્ટી (આપ) ના નેતા અને દિલ્હીના પૂર્વ મંત્રી સૌરભ ભારદ્વાજે રવિવારે દિલ્હીની ભારતીય જનતા પાર્ટી (ભાજપ) સરકાર પર આ કૌભાંડનું કાવતરું ઘડવાનો આરોપ લગાવ્યો છે. ભારદ્વાજ કહે છે કે સરકારની યોજના ગરીબો માટે સસ્તા ચોખા ખરીદવાની અને તેને વધુ વેચીને કમાણી કરવાની હતી.

સૌરભ ભારદ્વાજે એક્સ પર શેર કરેલા એક વીડિયોમાં દાવો કર્યો હતો કે, દિલ્હી સરકાર અને આસામ સ્થિત સંસ્થાએ ભારતીય ખાદ્ય નિગમ (એફસીઆઈ) પાસેથી સબસિડીવાળા ચોખા ખરીદવા અને તેને ખાનગી હાથમાં વેચવાની સુનિયોજિત યોજના બનાવી હતી.

તેમણે કહ્યું કે, આ યોજના હેઠળ દિલ્હીના ગરીબોમાં વિતરણના નામે એફસીઆઈ પાસેથી દર અઠવાડિયે 31 હજાર મેટ્રિક ટન સબસિડીવાળા ચોખાની માંગ કરવામાં આવતી હતી. એવો આક્ષેપ કરવામાં આવે છે કે, ચોખાનો આ મોટો જથ્થો દિલ્હીના કોઈ પણ જરૂરિયાતમંદ નાગરિક સુધી પહોંચવાને બદલે હરિયાણાની એક ખાનગી કંપનીને મોટા નફામાં વેચવામાં આવ્યો હતો.

આંકડાઓ ટાંકીને ભારદ્વાજે જણાવ્યું હતું કે, આ છેતરપિંડીથી દર અઠવાડિયે આશરે 143 કરોડ રૂપિયાનું કૌભાંડ સર્જાયું હતું. જો આ તંત્ર સતત 3 વર્ષ સુધી સક્રિય રહ્યું હોત, તો તે કુલ 22 હજાર કરોડ રૂપિયાનું એક મોટું સંસ્થાકીય કૌભાંડ સાબિત થયું હોત.

હિન્દુસ્થાન સમાચાર/શ્રદ્ધા દ્વિવેદી/અનુપ શર્મા

હિન્દુસ્થાન સમાચાર / અભિષેક બારડ