નવી દિલ્હી, 09 ઓગસ્ટ (હિ.સ.) : કેન્દ્રીય વિજ્ઞાન અને ટેકનોલોજી મંત્રી ડૉ. જીતેન્દ્રસિંહે રવિવારે જણાવ્યું હતું કે, આગામી 8-9 વર્ષમાં ભારતની અવકાશ અર્થવ્યવસ્થા 1 અબજ અમેરિકી ડોલર સુધી પહોંચવાની ધારણા છે.

ડૉ. જીતેન્દ્રસિંહે આજે અહીં લલિત હોટેલમાં આયોજિત, ડિજિટલ ઇક્વિપમેન્ટ એવોર્ડ્સ કાર્યક્રમમાં મીડિયાને જણાવ્યું હતું કે, ભારતની અવકાશ અર્થવ્યવસ્થા, જે અગાઉ લગભગ શૂન્ય હતી, તે હવે વધીને લગભગ 9 અબજ યુએસ ડોલર થઈ ગઈ છે અને ઝડપથી વિસ્તરી રહી છે. આગામી આઠથી નવ વર્ષમાં તે 1 અબજ અમેરિકી ડોલર સુધી પહોંચવાની ધારણા છે.

તેમણે પુરસ્કાર વિજેતાઓને અભિનંદન આપ્યા અને કહ્યું કે, વર્ષ 2047માં એક એવા દેશ તરીકે પોતાની સ્થિતિ મજબૂત કરવી પડશે જેની ક્ષમતાઓ અને નવીનતાઓને અન્ય દેશો પણ અપનાવી શકે.

મંત્રીએ કહ્યું કે,આગામી ઔદ્યોગિક ક્રાંતિ બાયોટેકનોલોજી અને આર્ટિફિશિયલ ઇન્ટેલિજન્સ પર આધારિત હશે. ભારત હવે વિશ્વના એવા કેટલાક દેશોમાં સામેલ છે કે, જે બાયોટેકનોલોજી માટે સમર્પિત નીતિ ધરાવે છે. આપણી પાસે રાષ્ટ્રીય ક્વોન્ટમ મિશન, ભારતીય કૃત્રિમ બુદ્ધિમત્તા મિશન પણ છે અને આપણે અવકાશ અને અન્ય સરહદી વિસ્તારોમાં ઝડપી પ્રગતિ કરી છે.

પરમાણુ ક્ષેત્રને ખાનગી કંપનીઓ માટે ખુલ્લું મૂકવાનો ઉલ્લેખ કરતા તેમણે કહ્યું હતું કે, આ પગલાથી નવી તકો ઊભી થાય છે, ત્યારે ઉદ્યોગોએ પણ ઉભરતા ક્ષેત્રો માટે પોતાને તૈયાર કરવાની અને જરૂરી ક્ષમતાઓ વિકસાવવાની જરૂર છે. ભારતની સ્ટાર્ટઅપ ઇકોસિસ્ટમનો વિકાસ દર્શાવે છે કે, નવીનતા હવે મોટા શહેરો સુધી મર્યાદિત નથી પરંતુ ઘણા યુવા ઉદ્યોગસાહસિકો નાના શહેરોમાંથી પણ ઉભરી રહ્યા છે.

અપ્રચલિત કાયદાઓ અને પ્રક્રિયાઓને દૂર કરવા માટે સરકાર દ્વારા કરવામાં આવી રહેલા પ્રયાસો વિશે વિગતવાર જણાવતા ડૉ. સિંહે જણાવ્યું હતું કે, સમાજ અને શાસનમાં ફેરફારો છતાં લગભગ અપ્રચલિત કાયદાઓ દૂર કરવામાં આવ્યા છે, જેમાં અગાઉના યુગની જોગવાઈઓ સામેલ છે.

હિન્દુસ્થાન સમાચાર/શ્રદ્ધા દ્વિવેદી/સંજીવ પાશ

હિન્દુસ્થાન સમાચાર / અભિષેક બારડ