નવી દિલ્હી, 10 સપ્ટેમ્બર (હિ.સ.) 62મો મહારાષ્ટ્ર રાજ્ય ફિલ્મ પુરસ્કાર સમારોહ, અભિનેત્રી રાની મુખર્જી માટે ખૂબ જ ભાવનાત્મક ક્ષણ લઈને આવ્યો. પ્રભાદેવીના રવિન્દ્ર નાટ્ય મંદિર ખાતે મુખ્યમંત્રી દેવેન્દ્ર ફડણવીસે તેમને પ્રતિષ્ઠિત રાજ કપૂર વિશેષ યોગદાન પુરસ્કારથી સન્માનિત કર્યા. સન્માન પ્રાપ્ત કરતી વખતે રાની સ્પષ્ટપણે ભાવુક થઈ ગઈ હતી. મંચ પરથી મરાઠીમાં પોતાની લાગણીઓ વ્યક્ત કરતાં, તેણીએ મહારાષ્ટ્રને તેનું જન્મસ્થળ અને કાર્યસ્થળ બંને તરીકે વર્ણવ્યું.

રાનીએ કહ્યું કે, મહારાષ્ટ્ર ફક્ત તેના જીવનનો એક ભાગ નથી, પરંતુ તેની ઓળખ સાથે ઊંડુ જોડાયેલું છે. રાજ્ય સરકારનો આભાર વ્યક્ત કરતાં, તેણીએ કહ્યું કે, તેના લોકો અને તેની માતૃભૂમિ તરફથી મળેલું સન્માન તેના માટે ખૂબ જ ખાસ છે. મુંબઈનો ઉલ્લેખ કરતા અભિનેત્રીએ કહ્યું કે, આ શહેરે તેને ઓળખ, પ્રેક્ષકો અને કારકિર્દી આપી. મુંબઈને તેનું ઘર અને સલામત આશ્રયસ્થાન ગણાવતા તેણીએ કહ્યું કે, શહેર સાથેનું તેમનું જોડાણ હંમેશા તેના હૃદયની નજીક રહેશે.

અભિનેત્રીએ કહ્યું કે, આ પુરસ્કાર તેના માટે ફક્ત એક ટ્રોફી કરતાં વધુ છે. જ્યારે પણ તે તેને જોશે, ત્યારે તેને તેમાં તેનું મુંબઈ અને મહારાષ્ટ્ર દેખાશે. પોતાની ફિલ્મી કારકિર્દીને યાદ કરતાં રાનીએ કહ્યું કે, તેણીએ ક્યારેય સિનેમાને ફક્ત એક વ્યવસાય માન્યું નથી; તેના બદલે, તે એક ઊંડી લાગણી અને તેના જીવનનો એક મહત્વપૂર્ણ ભાગ રહ્યો છે. મહારાષ્ટ્ર સરકાર તરફથી આ સન્માન તેણીની લાંબી સિનેમા યાત્રાની યાદગાર માન્યતા બની ગયું છે.

હિન્દુસ્થાન સમાચાર / લોકેશ ચંદ્ર દુબે / વીરેન્દ્ર સિંહ

હિન્દુસ્થાન સમાચાર / માધવી વ્યાસ