નવી દિલ્હી, 16 સપ્ટેમ્બર (હિ.સ.) કપિલ શર્મા ફરી એકવાર પોતાની આખી ટીમ સાથે દર્શકોને હસાવવા માટે તૈયાર છે. લોકપ્રિય હાસ્ય કાર્યક્રમ 'ધ ગ્રેટ ઇન્ડિયન કપિલ શો'ની પાંચમી સીઝનની સત્તાવાર જાહેરાત થઈ ગઈ છે. નિર્માતાઓએ તેની સ્ટ્રીમિંગ તારીખની પણ જાહેરાત કરી દીધી છે. આ વખતે શોની થીમ 'હસીકા ત્યો-હાહા-હાર' રાખવામાં આવી છે, જેમાં હાસ્યની સાથે તહેવારો અને પારિવારિક મનોરંજનનો તડકો જોવા મળશે.

નવી સીઝનનો એક મજેદાર પ્રોમો પણ બહાર પાડવામાં આવ્યો છે, જેમાં દિવાળી, ક્રિસમસ સહિતના અનેક તહેવારો સાથે હાસ્ય-મજાકનું વાતાવરણ જોવા મળી રહ્યું છે. છેલ્લી સીઝનની જેમ આ વખતે પણ કૃષ્ણા અભિષેક, સુનીલ ગ્રોવર અને કીકુ શારદા પોતાની લોકપ્રિય શૈલીમાં દર્શકોનું મનોરંજન કરતા જોવા મળશે. જ્યારે, અર્ચના પૂરન સિંહ અને નવજોત સિંહ સિદ્ધુ ફરી એકવાર નિર્ણાયકની ભૂમિકામાં જોવા મળશે.

શોમાં આ વખતે કયા-કયા સિતારાઓ મહેમાન બનીને આવશે, તેનો ખુલાસો હાલ પૂરતો કરવામાં આવ્યો નથી. નિર્માતાઓએ નવી સીઝનને પરિવાર સાથે તહેવાર ઉજવવા અને હાસ્યના રંગમાં રંગવાનો વાયદો કર્યો છે. 'ધ ગ્રેટ ઇન્ડિયન કપિલ શો'ની પાંચમી સીઝન 26 સપ્ટેમ્બરથી નેટફ્લિક્સ પર સ્ટ્રીમ થશે. તેના નવા એપિસોડ દર શનિવારે રાત્રે 8 વાગ્યે દર્શકો માટે ઉપલબ્ધ થશે.

હિન્દુસ્થાન સમાચાર / લોકેશ ચંદ્ર દુબે / સુનીત નિગમ

હિન્દુસ્થાન સમાચાર / ડો.હિતેશ એન.વ્યાસ