કોલકતા, નવી દિલ્હી, 16 સપ્ટેમ્બર (હિ.સ.): પ્રધાનમંત્રી નરેન્દ્ર મોદીના જન્મદિવસ નિમિત્તે, પશ્ચિમ બંગાળના મુખ્યમંત્રી શુભેન્દુ અધિકારીએ, રાજ્યભરમાં આશીર્વાદના દીવા પ્રગટાવવાનું આહ્વાન કર્યું છે. તેમણે લોકોને 17 સપ્ટેમ્બરના રોજ દીવા પ્રગટાવવા અને પ્રધાનમંત્રીના સ્વસ્થ અને લાંબા આયુષ્ય માટે પ્રાર્થના કરવા વિનંતી કરી છે.

બુધવારે સવારે એક વીડિયો સંદેશમાં, શુભેન્દુ અધિકારીએ જણાવ્યું હતું કે, પ્રધાનમંત્રી નરેન્દ્ર મોદીના જન્મદિવસની ખાસ ઉજવણીની સાથે, તેમની 25 વર્ષની જાહેર સેવા અને રાષ્ટ્ર સેવાને પણ યાદ કરવામાં આવશે. તેમણે જણાવ્યું હતું કે ગુજરાતના મુખ્યમંત્રી તરીકે શપથ લેવાથી લઈને દેશના પ્રધાનમંત્રી તરીકે સેવા આપવા સુધીની નરેન્દ્ર મોદીની જાહેર જીવનમાં સફર 7 ઓક્ટોબરના રોજ 25 વર્ષ પૂર્ણ થશે.

શુભેન્દુ અધિકારીએ, આ પ્રસંગને યાદ કરવા માટે સેવા સંકલ્પ અભિયાન શરૂ કરવાની જાહેરાત કરી. પ્રધાનમંત્રીના જન્મદિવસ પર રાજ્યભરમાં આશીર્વાદના દીવા પ્રગટાવવાનું આહ્વાન કરતા તેમણે કહ્યું કે, નરેન્દ્ર મોદીના સારા સ્વાસ્થ્ય અને લાંબા આયુષ્ય માટે સર્વશક્તિમાનને પ્રાર્થના કરવામાં આવશે, જેથી તેઓ આવનારા વર્ષોમાં રાષ્ટ્રની સેવામાં પોતાને સમર્પિત કરી શકે.

શુભેન્દુ અધિકારીએ રાજ્યના લોકોને પ્રધાનમંત્રીના જન્મદિવસ નિમિત્તે આ અભિયાનમાં ભાગ લેવા અપીલ કરી.

હિન્દુસ્થાન સમાચાર / ઓમ પરાશર / અમરેશ દ્વિવેદી

હિન્દુસ્થાન સમાચાર / ડો.હિતેશ એન.વ્યાસ