રાંચી, નવી દિલ્હી, 18 સપ્ટેમ્બર (હિ.સ.). એન્ફોર્સમેન્ટ ડિરેક્ટોરેટ (ઇડી)ની રાંચી પ્રાદેશિક કચેરીએ, ઝારખંડ સ્ટેટ કોઓપરેટિવ બેંક (જેએસસીબી) સાથે સંકળાયેલા કરોડો રૂપિયાના કૌભાંડમાં શુક્રવારે મની લોન્ડરિંગ નિવારણ અધિનિયમ (પીએમએલએ)ની કલમ 17 હેઠળ મોટી કાર્યવાહી કરી છે. તપાસ એજન્સીની ટીમો ઝારખંડ અને ઓડિશામાં કુલ સાત સ્થળો પર એકસાથે તલાશી અને જપ્તી અભિયાન ચલાવી રહી છે.

સત્તાવાર સૂત્રો અનુસાર, આ કાર્યવાહી ઝારખંડ સ્ટેટ કોઓપરેટિવ બેંકની સરાયકેલા શાખામાં થયેલા મોટા નાણાકીય કૌભાંડની ચાલી રહેલી તપાસના સંબંધમાં કરવામાં આવી રહી છે. તપાસમાં સામે આવ્યું છે કે ઉદ્યોગપતિ સંજય કુમાર ડાલમિયાએ જેએસસીબીના તત્કાલીન બેંક અધિકારીઓ સાથે મિલીભગત કરીને બેંક સાથે મોટા પાયે છેતરપિંડી આચરી હતી.

ઇડીના આ દરોડા ઉદ્યોગપતિ સંજય ડાલમિયા અને તત્કાલીન બેંક અધિકારીઓ સાથે સંકળાયેલા રહેણાંક અને વ્યાપારી પરિસરો પર કેન્દ્રિત છે. તલાશી દરમિયાન, એજન્સી નાણાકીય અનિયમિતતાઓ, ગેરકાયદેસર વ્યવહારો, ફંડ ડાયવર્ઝન અને સંપત્તિઓના સંપાદન સાથે સંકળાયેલા મહત્વપૂર્ણ દસ્તાવેજો અને ડિજિટલ પુરાવાઓ શોધી રહી છે. એજન્સી આ મામલામાં સામેલ અન્ય શંકાસ્પદોની ભૂમિકા અને ગુનાની આવક (પ્રોસીડ્સ ઓફ ક્રાઈમ)માંથી મેળવેલી સંપત્તિઓ શોધી કાઢવા માટે વધુ તપાસ કરી રહી છે.

હિન્દુસ્થાન સમાચાર / પ્રશાંત શેખર / સંજીવ પાશ

હિન્દુસ્થાન સમાચાર / માધવી વ્યાસ