ન્યૂયોર્ક, નવી દિલ્હી, 02 સપ્ટેમ્બર (હિ.સ.). વિશ્વની નંબર બે ખેલાડી એલેના રાયબાકિના, પૂર્વ ચેમ્પિયન કોકો ગૉફ, મેડિસન કીઝ અને ફ્રેન્ચ ઓપન ચેમ્પિયન મિરા એન્ડ્રીવા એ મંગળવારે શાનદાર જીત નોંધાવતા યુએસ ઓપનના બીજા રાઉન્ડમાં પ્રવેશ કર્યો.

ત્રીજી ગ્રાન્ડ સ્લેમ ટ્રોફી અને વિશ્વ નંબર એક રેન્કિંગ પર નજર રાખી રહેલી રાયબાકિનાએ અમેરિકાની થિયા ફ્રોડિનને 6-3, 6-2 થી હરાવી. કઝાકિસ્તાનની રાયબાકિનાએ મુકાબલામાં શાનદાર પ્રદર્શન કર્યું અને બંને બ્રેક પોઈન્ટ બચાવ્યા.

રાયબાકિના માટે આ જીત ખાસ રહી, કારણ કે આ જ મહિને સિનસિનાટીમાં ક્વાર્ટર ફાઇનલ મુકાબલામાંથી તેમને ડાબા પગની ઈજાને કારણે હટવું પડ્યું હતું. ઈજા બાદ વાપસી કરતા તેમણે શાનદાર પ્રદર્શન કર્યું અને પોતાની ફિટનેસને લઈને ઉઠી રહેલી ચિંતાઓને પણ દૂર કરી.

રાયબાકિના, કોકો ગૉફ અને જેસિકા પેગુલા તે ત્રણ ખેલાડીઓમાં સામેલ છે, જે ન્યૂયોર્કમાં આર્યના સબાલેન્કા પાસેથી વિશ્વ નંબર એકની રેન્કિંગ છીનવી શકે છે. ગૉફને આ માટે પોતાનો બીજો યુએસ ઓપન ખિતાબ જીતવો પડશે, જ્યારે રાયબાકિના સેમિફાઇનલમાં પહોંચીને પણ ટોચની રેન્કિંગ હાંસલ કરી શકે છે.

ગૉફે સર્વિસથી પ્રભાવિત કર્યા

2023 ની યુએસ ઓપન ચેમ્પિયન કોકો ગૉફે તુર્કિયેની દુનિયાની 53મા નંબરની ઝેનેપ સોનમેઝને 6-3, 6-4 થી હરાવી. ગૉફે પોતાની સુધારેલી સર્વિસનો શાનદાર ઉપયોગ કર્યો અને શરૂઆતી સેટમાં દબદબો બનાવ્યો.

એન્ડ્રીવાએ પણ આસાન જીત નોંધાવી

ફ્રેન્ચ ઓપન ચેમ્પિયન અને પાંચમી વરીયતા પ્રાપ્ત મિરા એન્ડ્રીવાએ ઇન્ડોનેશિયાની 36મા નંબરની જેનિસ તિએનને 6-2, 6-2 થી હરાવીને બીજા રાઉન્ડમાં સ્થાન બનાવ્યું.

કીઝ પણ બીજા રાઉન્ડમાં

મેડિસન કીઝે રશિયન કિશોરી અલીના કોર્નેએવાને 7-5, 6-4 થી હરાવી. કીઝે મુકાબલામાં 21 વિનર્સ લગાવ્યા અને હવે બીજા રાઉન્ડમાં ચેક ગણરાજ્યની લૂસી હવ્લિચકોવા કે હંગેરીની અન્ના બોંડાર સામે ટકરાશે.

હિન્દુસ્થાન સમાચાર / સુનીલ દુબે

હિન્દુસ્થાન સમાચાર / માધવી વ્યાસ