ક્વેટા (બલોચિસ્તાન) પાકિસ્તાન, નવી દિલ્હી, 20 સપ્ટેમ્બર (હિ.સ.) સુરક્ષા દળોએ કલાત નજીક એનએચ-25 પર આડેધડ ગોળીબાર કરીને પાંચ આતંકવાદીઓને ઠાર કર્યા. દળોએ 23 બંધકોને પણ છોડાવ્યા. પાકિસ્તાન સશસ્ત્ર દળોની મીડિયા અને જનસંપર્ક શાખા ઇન્ટર-સર્વિસિસ પબ્લિક રિલેશન્સ (આઇએસપીઆર) એ આ માહિતી આપી.

ધ ન્યૂઝના અહેવાલ મુજબ, આઇએસપીઆરએ આજે સવારે જારી કરેલી અખબારી યાદીમાં આ માહિતી આપી. અખબારી યાદીમાં જણાવાયું હતું કે, સુરક્ષા દળોએ આતંકવાદીઓની ટ્રાફિક રોકવા અને અવરજવરમાં અવરોધ ઉભો કરવાના પ્રયાસને નિષ્ફળ બનાવ્યો. આ કાર્યવાહીમાં પાંચ આતંકવાદીઓ માર્યા ગયા અને 23 બંધકોને છોડાવવામાં આવ્યા.

અખબારી યાદી મુજબ, આતંકવાદીઓએ મુસાફરોનું અપહરણ કરવા, ખંડણી વસૂલવા અને વાહનો છીનવી લેવા માટે હાઇવે પર એક અસ્થાયી નાકાબંધી ગોઠવી હતી. આની જાણ થતાં સુરક્ષા દળો ઘટનાસ્થળે પહોંચ્યા અને ગોળીબાર દરમિયાન પાંચ આતંકવાદીઓને ઠાર કર્યા. નાકાબંધી પરથી હથિયારો, દારૂગોળો અને વિસ્ફોટકો પણ જપ્ત કરવામાં આવ્યા.

આઇએસપીઆર મુજબ, ઘટનાસ્થળેથી છ ટ્રક, ત્રણ બસ અને બે કાર જપ્ત કરવામાં આવી. આતંકવાદીઓ વિરુદ્ધ આ સફળતા 'ઓપરેશન રદ્દુલ ફિતના 3' હેઠળ મળી. શનિવારે સુરક્ષા સૂત્રોએ જણાવ્યું કે, સુરક્ષા દળોએ પંજગુર અને ચગાઈ જિલ્લાઓમાં અલગ-અલગ અભિયાનોમાં 11 આતંકવાદીઓને ઠાર કર્યા.

સૂત્રોના જણાવ્યા મુજબ, પંજગુરના ગોવારગો વિસ્તારમાં પાંચ, જ્યારે ચગાઈના અમીનાબાદ અને સિયાહ ચાંગ વિસ્તારોમાં છ આતંકવાદીઓ માર્યા ગયા. તેમ છતાં બલોચિસ્તાન હિંસાનું મોટું કેન્દ્ર બન્યું છે. સુરક્ષા સૂત્રોએ જણાવ્યું કે, ખારાનમાં કોલેજ રોડ પર આતંકવાદીઓએ એક મુસાફર વાહનને ઇમ્પ્રુવાઇઝ્ડ એક્સપ્લોઝિવ ડિવાઇસ (આઇઇડી) થી નિશાન બનાવ્યું, જેમાં 10 મજૂરો ઘાયલ થયા. ઘાયલોને હોસ્પિટલ પહોંચાડવામાં આવ્યા.

હિન્દુસ્થાન સમાચાર / મુકુંદ

હિન્દુસ્થાન સમાચાર / માધવી વ્યાસ