આઇચી-નાગોયા, નવી દિલ્હી, 21 સપ્ટેમ્બર (હિ.સ.). ભારતીય ઓલિમ્પિક સંઘના અધ્યક્ષ પીટી ઉષાએ, સોમવારે નામિબિયા રાષ્ટ્રીય ઓલિમ્પિક સમિતિના મુખ્ય કાર્યકારી અધિકારી એંરી પાર્કર સાથે મુલાકાત કરી. બંનેએ 2026 એશિયન રમતો દરમિયાન ભારત અને નામિબિયા વચ્ચેના રમતગમતના સંબંધોને વધુ મજબૂત કરવાના માર્ગો પર ચર્ચા કરી.

આ દરમિયાન, સોફ્ટ ટેનિસમાં આધ્યા તિવારી અને જય મીણાની મિશ્ર યુગલ જોડીએ, એશિયન રમતોના પ્રી-ક્વાર્ટર ફાઇનલમાં સ્થાન મેળવી લીધું. ભારતીય જોડીએ જૂથ બી માં પોતાના અભિયાનની શરૂઆત કંબોડિયાના વીવા ચાઓ અને ચાનરોસેકા ખુનને 5-0 થી હરાવીને કરી. ભારતીય જોડીએ આ મુકાબલો 4-1, 4-0, 4-2, 4-1, 4-2 ના સેટ સ્કોરથી જીત્યો.

આ પછી, આધ્યા અને જયે મંગોલિયાના બુદ ન્યામદોરજ અને એંખખુસલેન ગાનબાતરને પણ 5-0 થી હરાવ્યા. આ મુકાબલામાં ભારતીય જોડીએ 4-2, 4-1, 4-1, 4-0, 5-3 ના સેટ સ્કોરથી જીત મેળવી.

જૂથ તબક્કાના પોતાના અંતિમ મુકાબલામાં ભારતીય જોડીને દક્ષિણ કોરિયા સામે 1-5 થી હારનો સામનો કરવો પડ્યો. તેમ છતાં, બે જીતના આધારે ભારત જૂથમાં બીજા સ્થાને રહ્યું અને પ્રી-ક્વાર્ટર ફાઇનલમાં સ્થાન બનાવવામાં સફળ રહ્યું.

હિન્દુસ્થાન સમાચાર / સુનીલ દુબે

હિન્દુસ્થાન સમાચાર / માધવી વ્યાસ