નવી દિલ્હી, 24 સપ્ટેમ્બર (હિ.સ.). ભારતીય જનતા પાર્ટી (ભાજપ) ના રાષ્ટ્રીય અધ્યક્ષ નિતિન નવીને, સંગઠનને વધુ મજબૂત કરવાના ઉદ્દેશ્યથી વિવિધ રાજ્યોમાં પાર્ટીના નેતાઓને નવી સંગઠનાત્મક જવાબદારીઓ સોંપી છે. તમામ નિમણૂકો તાત્કાલિક અસરથી લાગુ પડશે.

ભાજપના કેન્દ્રીય કાર્યાલય દ્વારા ગુરુવારે જારી કરાયેલી પ્રેસ રીલીઝ અનુસાર, કુલ 24 નેતાઓની નિમણૂકો કરવામાં આવી છે. જેમાં રાષ્ટ્રીય સહ મહામંત્રી (સંગઠન), પ્રદેશ મહામંત્રી (સંગઠન), પ્રદેશ સહ મહામંત્રી (સંગઠન) સહિત સંગઠનની વિવિધ મહત્વપૂર્ણ જવાબદારીઓનો સમાવેશ થાય છે. શિવપ્રકાશને રાષ્ટ્રીય સહ મહામંત્રી (સંગઠન) ની જવાબદારી સોંપતા આંધ્ર પ્રદેશ, મહારાષ્ટ્ર, મધ્ય પ્રદેશ, છત્તીસગઢ અને ગોવાની જવાબદારી સોંપવામાં આવી છે. જ્યારે સૌદાન સિંહને બિહાર, ઝારખંડ, ઓડિશા અને પશ્ચિમ બંગાળની જવાબદારી આપવામાં આવી છે.

બી. સતીશને એસસી-એસટી મોરચા અને સંસદીય કાર્યાલયનો કાર્યભાર સોંપવામાં આવ્યો છે, જ્યારે નાગેન્દ્રને સંગઠન અને વરિષ્ઠ કાર્યકર્તા સંપર્કની જવાબદારી સોંપવામાં આવી છે. અજય જામવાલને મહારાષ્ટ્રના પ્રદેશ મહામંત્રી (સંગઠન) બનાવવામાં આવ્યા છે. જ્યારે, સતીશ ધોંડને મહારાષ્ટ્રમાં પ્રદેશ સહ મહામંત્રી (સંગઠન) ની સાથે ગુજરાત, મધ્ય પ્રદેશ, રાજસ્થાન અને મહારાષ્ટ્રમાં જનજાતિ સંપર્કની જવાબદારી આપવામાં આવી છે.

અન્ય નિમણૂકોમાં મધુકરને આંધ્ર પ્રદેશ અને તેલંગાણા, દશરથને તેલંગાણા તથા રવિન્દ્ર રાજુને આસામ અને ત્રિપુરાની સાથે કાર્યાલય નિર્માણનો કાર્યભાર સોંપવામાં આવ્યો છે. ભીમાબાઈ દલસાણિયાને બિહાર, પવન સાંઈને ઝારખંડ અને સિદ્ધાર્થનને હિમાચલ પ્રદેશના પ્રદેશ મહામંત્રી (સંગઠન) તરીકે નિયુક્ત કરવામાં આવ્યા છે.

આ ઉપરાંત રત્નાકરને ગુજરાત, દાદરા અને નગર હવેલી તથા દમણ-દીવ; અરુણ બિનવાડીને ગુજરાત; ફણીન્દ્રનાથ શર્માને ઉત્તરાખંડ; પવન રાણાને દિલ્હી અને હરિયાણા; કર્મવીરને છત્તીસગઢ અને ચંદ્રશેખરને મધ્ય પ્રદેશના પ્રદેશ મહામંત્રી (સંગઠન) બનાવવામાં આવ્યા છે.

માનસ મોહંતીને ઓડિશા, મંત્રી શ્રીનિવાસુલુને પંજાબ અને ચંદીગઢ, ધર્મપાલને ઉત્તર પ્રદેશ અને અમિતાભ ચક્રવર્તીને પશ્ચિમ બંગાળના પ્રદેશ મહામંત્રી (સંગઠન) તરીકે નિયુક્ત કરવામાં આવ્યા છે. સંગઠનના સ્તરે અભય ગિરીને બ્રજ ક્ષેત્ર તથા અનંત નારાયણ મિશ્રને ભાગલપુર, પૂર્ણિયા અને કોસી ક્ષેત્રના સંગઠક બનાવવામાં આવ્યા છે.

હિન્દુસ્થાન સમાચાર / વિજયાલક્ષ્મી / સંજીવ પાશ

હિન્દુસ્થાન સમાચાર / ડો.હિતેશ એન.વ્યાસ