નવી દિલ્હી, 25 સપ્ટેમ્બર (હિ.સ.). ભારતીય રેલવેએ ગુજરાતના ભુજ અને બિહારના બરૌની વચ્ચે, નવી ત્રિ-સાપ્તાહિક અમૃત ભારત એક્સપ્રેસ ચલાવવાની મંજૂરી આપી છે. આ ટ્રેન 2,532 કિલોમીટરનું અંતર કાપીને ગુજરાત, રાજસ્થાન, ઉત્તર પ્રદેશ અને બિહારના મુખ્ય શહેરોને જોડશે.

રેલવે મંત્રાલય અનુસાર, ટ્રેન નંબર 19427 ભુજ-બરૌની અમૃત ભારત એક્સપ્રેસ ભુજથી સાંજે 5:30 વાગ્યે ઉપડીને બીજા દિવસે સવારે 4:05 વાગ્યે બરૌની પહોંચશે. પરત યાત્રામાં, ટ્રેન નંબર 19428 બરૌની-ભુજ અમૃત ભારત એક્સપ્રેસ બરૌનીથી રાત્રે 11:55 વાગ્યે ઉપડીને બીજા દિવસે બપોરે 1:15 વાગ્યે ભુજ પહોંચશે. ભુજ-બરૌની ટ્રેન સોમવાર, બુધવાર અને શનિવારે ચાલશે, જ્યારે બરૌની-ભુજ ટ્રેન મંગળવાર, ગુરુવાર અને શનિવારે ચાલશે.

નવી ટ્રેનના માર્ગમાં સમાખિયાળી, અમદાવાદ, રતલામ, કોટા, સવાઈ માધોપુર, ગંગાપુર સિટી, ભરતપુર, મથુરા, હાથરસ, બરેલી, ઇજ્જતનગર, પીલીભીત, લખીમપુર, ગોંડા, ગોરખપુર, સિવાન, છપરા, હાજીપુર, મુઝફ્ફરપુર અને સમસ્તીપુર સહિત ઘણા મુખ્ય સ્ટેશનો પર વાણિજ્યિક સ્ટોપેજ હશે.

રેલવેએ જણાવ્યું કે, નવી સેવા દ્વારા દેશના પશ્ચિમી અને પૂર્વીય ભાગો વચ્ચેના રેલ સંપર્કને વધારાનો વિકલ્પ મળશે અને ગુજરાત, રાજસ્થાન, ઉત્તર પ્રદેશ અને બિહાર વચ્ચે મુસાફરી કરતા યાત્રીઓને સુવિધા થશે.

હિન્દુસ્થાન સમાચાર / સુશીલ કુમાર / પવન કુમાર

હિન્દુસ્થાન સમાચાર / માધવી વ્યાસ