મહેસાણા, 29 સપ્ટેમ્બર (હિ.સ.) મહેસાણા જિલ્લાના અંબાસણ મુકામે તાલુકા કક્ષાના ‘સેવા સેતુ’ કાર્યક્રમનું આયોજન કરવામાં આવ્યું હતું. કાર્યક્રમમાં વિવિધ સરકારી સેવાઓ અને યોજનાઓનો લાભ નાગરિકોને સ્થાનિક સ્તરે મળી રહે તે હેતુથી કામગીરી હાથ ધરવામાં આવી હતી.

આ પ્રસંગે મહેસાણા જિલ્લા ભાજપ પ્રમુખ ગીરીશ રાજગોર, તાલુકા ભાજપ પ્રમુખ, સંગઠનના હોદ્દેદારો તથા પ્રાંત અધિકારી સહિતના આગેવાનો અને અધિકારીઓ ઉપસ્થિત રહ્યા હતા. કાર્યક્રમ દરમિયાન નાગરિકોને વિવિધ સરકારી યોજનાઓ અને સેવાઓ અંગે માહિતી આપવામાં આવી હતી.

સેવા સેતુ કાર્યક્રમ અંતર્ગત નાગરિકોની અરજીઓ અને રજૂઆતો સ્વીકારી સંબંધિત વિભાગો દ્વારા જરૂરી કાર્યવાહી કરવામાં આવી હતી. વિવિધ સરકારી સેવાઓ એક જ સ્થળેથી મળી રહે તે માટે વિભાગવાર વ્યવસ્થા કરવામાં આવી હતી. કાર્યક્રમમાં સ્થાનિક નાગરિકો અને લાભાર્થીઓએ ઉપસ્થિત રહી સેવાઓનો લાભ લીધો હતો.

હિન્દુસ્થાન સમાચાર / RINKU AMITKUMAR THAKOR