આઇચી-નાગોયા, નવી દિલ્હી, 29 સપ્ટેમ્બર (હિ.સ.). ભારતીય મહિલા ટ્રેપ નિશાનબાજી ટીમે, એશિયન ગેમ્સ 2026માં મંગળવારે રજત પદક જીત્યો. આ સાથે, નીરુ ધાન્ડાએ વ્યક્તિગત સ્પર્ધાની ફાઇનલમાં સ્થાન બનાવીને ભારતની પદક આશાઓ પણ જીવંત રાખી.

નીરુ ધાન્ડા, આશિમા અહલાવત અને મનીષા કીરની ભારતીય ત્રિપુટીએ ક્વોલિફિકેશનમાં કુલ 328 અંક મેળવીને બીજું સ્થાન હાંસલ કર્યું. ચીને 346 અંકો સાથે સુવર્ણ પદક જીત્યો, જ્યારે કુવૈત 325 અંકો સાથે ત્રીજા સ્થાને રહ્યું.

વ્યક્તિગત ક્વોલિફિકેશનમાં નીરુએ 118 અંક મેળવ્યા અને ફાઇનલ માટે ક્વોલિફાય કર્યું. આશિમા 106 અંકો સાથે 16મા અને મનીષા 104 અંકો સાથે 23મા સ્થાને રહી. ક્વોલિફિકેશનમાં કુલ 27 નિશાનબાજોએ ભાગ લીધો.

નીરુ ધાન્ડાનો વ્યક્તિગત ફાઇનલ સવારે 10:30 વાગ્યે ભારતીય સમય અનુસાર રમાશે.

આ પદક સાથે એશિયન ગેમ્સ 2026માં ભારતની પદક સંખ્યા 46 થઈ ગઈ છે. ભારતના ખાતામાં હવે 4 સુવર્ણ, 21 રજત અને 21 કાંસ્ય પદક છે.

હિન્દુસ્થાન સમાચાર / સુનીલ દુબે

હિન્દુસ્થાન સમાચાર / માધવી વ્યાસ