પટના, નવી દિલ્હી, 30 સપ્ટેમ્બર (હિ.સ.) ભારતીય જનતા પાર્ટી (ભાજપ)ના રાષ્ટ્રીય સંકુલ પ્રકોષ્ઠના સહ-સંયોજક ઋતુરાજ સિંહાએ બુધવારે ઇન્ડી ગઠબંધનની બેઠકને લઈને વિપક્ષી દળો પર નિશાન સાધ્યું. તેમણે બેઠકને જનતા દ્વારા નકારાયેલા અને ચૂંટણીમાં હારેલા નેતાઓનો મિલન સમારોહ ગણાવ્યો તથા વિપક્ષી ગઠબંધનને સ્પષ્ટ નીતિ અને દ્રષ્ટિકોણ વિનાનો કુનબો ગણાવ્યો.

ઋતુરાજ સિંહાએ નિવેદન જારી કરીને કહ્યું કે, બેઠકને દેશ કે લોકનીતિ સાથે કોઈ સરોકાર નથી. તેમના મતે, આ કોંગ્રેસ અને રાહુલ ગાંધીના નેતૃત્વને રાજકીય ટેકો આપવાનો પ્રયાસ છે. તેમણે આરોપ લગાવ્યો કે, ચૂંટણી નજીક આવતા વિપક્ષી દળો જનતા વચ્ચે જવાને બદલે પોતાની રાજકીય નિષ્ફળતાઓને છુપાવવા માટે મુદ્દાઓ શોધે છે.

ઋતુરાજ સિંહાએ કહ્યું કે, વિપક્ષ ચૂંટણી પંચની વિશેષ સઘન પુનરીક્ષણ (એસઆઈઆર) પ્રક્રિયા અને ઇવીએમને લઈને પહેલેથી જ સવાલ ઉઠાવવાની તૈયારી કરે છે. તેમણે આરોપ લગાવ્યો કે, વિપક્ષ લોકતાંત્રિક પ્રક્રિયાઓ પર સવાલ ઉઠાવીને તેમને બદનામ કરવાનો પ્રયાસ કરી રહ્યો છે.

રાષ્ટ્રીય જનતા દળ (આરજેડી)ના નેતા તેજસ્વી યાદવ પર નિશાન સાધતા ઋતુરાજે કહ્યું કે, તેઓ આ ગઠબંધન દ્વારા પોતાની રાજકીય જમીન શોધી રહ્યા છે. બિહારમાં તેજસ્વી યાદવની રાજનીતિ તુષ્ટિકરણ પર આધારિત છે અને ઇન્ડી ગઠબંધનની બેઠક તેમની રાજકીય સ્થિતિને સંભાળવાનો પ્રયાસ છે.

ભાજપ નેતાએ કહ્યું કે, કોંગ્રેસ અને ગઠબંધનમાં સામેલ પ્રાદેશિક દળો પાસે દેશ અને રાજ્યોના વિકાસને લઈને સ્પષ્ટ નીતિ નથી. તેમણે દાવો કર્યો કે, જનતા વડાપ્રધાન નરેન્દ્ર મોદીના નેતૃત્વમાં વિકાસની રાજનીતિને સ્વીકારી ચૂકી છે અને વિપક્ષી ગઠબંધનની રાજનીતિને નકારી રહી છે.

નોંધનીય છે કે, ઇન્ડી ગઠબંધનની 30 સપ્ટેમ્બરે નવી દિલ્હીમાં બેઠક થઈ, જેમાં ચૂંટણી પંચ, મુખ્ય ચૂંટણી કમિશનર જ્ઞાનેશ કુમાર, એસઆઈઆર તથા ઇવીએમ-વીવીપેટ સાથે સંકળાયેલા મુદ્દાઓ પર વિપક્ષી દળોની આગળની રણનીતિ પર ચર્ચા પ્રસ્તાવિત હતી.

હિન્દુસ્થાન સમાચાર / ચંદા કુમારી / ઉદય કુમાર સિંહ

હિન્દુસ્થાન સમાચાર / ડો.હિતેશ એન.વ્યાસ