નવી દિલ્હી, 22 એપ્રિલ (હિ. સ.) બહુપ્રતિક્ષિત ફિલ્મ 'કલ્કી 2898 એડી'થી 'અશ્વત્થામા'નો ફર્સ્ટ લુક સામે આવ્યો છે. ફિલ્મનું લૂક પોસ્ટર અને ટીઝર રિલીઝ કરવામાં આવ્યું છે. આમાં 'અશ્વત્થામા'ના પાત્રમાં મેગાસ્ટાર અમિતાભ બચ્ચનનો, પાવરફુલ લુક જોવા મળી રહ્યો છે. આ ફિલ્મનું લૂક પોસ્ટર બિગ બીએ પોતે શેર કર્યું હતું, ત્યારબાદ ટીઝર રિલીઝ કરવામાં આવ્યું હતું.
આ વર્ષની સૌથી મોટી ફિલ્મ 'કલ્કી 2898 એડી', છેલ્લા કેટલાક દિવસોથી ચર્ચામાં છે. એક પછી એક કલાકારોનો ફર્સ્ટ લુક સામે આવી રહ્યો છે. હવે આ ફિલ્મમાં અમિતાભ બચ્ચનનો લુક પણ સામે આવ્યો છે. આ ફોટો ખુદ અમિતાભ બચ્ચને શેર કર્યો છે. આ ફિલ્મના ટીઝરમાં અમિતાભ બચ્ચન, અને એક નાના બાળક વચ્ચેનો સંવાદ સાંભળી શકાય છે.
વીડિયોમાં અમિતાભ બચ્ચનનું આખું શરીર, સફેદ કપડાથી ઢંકાયેલું છે અને માત્ર તેમની આંખો જ દેખાઈ રહી છે. જ્યારે તેઓ શિવલિંગની પૂજા કરતા હોય છે, ત્યારે એક છોકરો તેમની પાસે આવે છે અને કહે છે, હાય... હું રાયા છું. આ પછી તે અશ્વત્થામાને ઘણા પ્રશ્નો પૂછે છે. ત્યારે અશ્વત્થામાના કપાળમાંથી લોહી નીકળે છે અને બાળક કહે છે, શું તમે ભગવાન છો? આ માટે તે કહે છે, સમય આવી ગયો છે, મારી છેલ્લી લડાઈનો સમય આવી ગયો છે. આ પછી તે અશ્વત્થામાની ઓળખ છતી કરે છે. આમાં નાનું બાળક તેલુગુમાં, બોલતા જોવા મળે છે. જ્યારે અમિતાભ બચ્ચન હિન્દીમાં બોલે છે. આ ટીઝર અત્યારે ખૂબ જ ચર્ચામાં છે.
આ ફિલ્મમાં, પ્રભાસ અને દીપિકા પાદુકોણ મુખ્ય ભૂમિકામાં છે. જ્યારે અમિતાભ બચ્ચનની ખાસ ભૂમિકા છે. આ ફિલ્મ મેગા બજેટ ફિલ્મ છે. જે આ વર્ષે મે મહિનામાં રિલીઝ થશે. આ ફિલ્મ નાગ અશ્વિને ડિરેક્ટ કરી છે.
હિન્દુસ્થાન સમાચાર / લોકેશ ચંદ્ર / સુનીત / માધવી
