નવી દિલ્હી, 27 એપ્રિલ (હિ.સ.) ભારતીય જનતા પાર્ટીના વિસ્તાર મુખ્યાલય ખાતે, શનિવારે શીખ સમુદાયના 1500થી વધુ લોકો પાર્ટીમાં જોડાયા હતા. ભાજપના રાષ્ટ્રીય અધ્યક્ષ જેપી નડ્ડા અને મહાસચિવ તરુણ ચુગની હાજરીમાં દરેકે પાર્ટીનું સભ્યપદ લીધું.

આ અવસર પર પાર્ટી અધ્યક્ષ જેપી નડ્ડાએ નવા સભ્યોને સંબોધતા કહ્યું કે, અમને ખબર છે કે કેવી રીતે અમારા શીખ ભાઈઓએ દેશ માટે બલિદાન આપ્યું. શીખ ભાઈઓએ દેશ પરના તમામ હુમલાઓનો જડબાતોડ જવાબ આપવામાં અને વિજય પ્રાપ્ત કરવામાં મોટું યોગદાન આપ્યું છે. શીખ સમુદાયના આવા લોકો ભાજપમાં જોડાય તે અમારા માટે ગર્વ અને ખુશીની વાત છે.

તેમણે કહ્યું કે, ભાજપ એકમાત્ર એવો પક્ષ છે જેના દ્વારા આપણે દેશની એકતા, અખંડિતતા અને સુરક્ષાને આગળ લઈ જઈ શકીએ છીએ. આમાં તમારું બહુ મોટું યોગદાન છે, તમારી ભાગીદારીથી અમે આ કાર્યને વધુ ઝડપી ગતિએ આગળ ધપાવીશું. તેમણે કહ્યું કે, શીખ સમુદાય માટે જો કોઈએ ખરેખર કામ કર્યું હોય તો તે વડાપ્રધાન નરેન્દ્ર મોદી છે. મોદી લાંબા સમય સુધી પંજાબના પ્રભારી હતા, તેથી તેમને શીખ સમુદાય પ્રત્યે ખૂબ લગાવ છે. જેપી નડ્ડાએ કહ્યું કે, 1984માં જે રીતે માનવતા અને માનવતાનું ગળું દબાવવામાં આવ્યું તે આપણે બધાએ જોયું છે. વડાપ્રધાન મોદીએ, 1984ના રમખાણો પર એસઆઈટી ની રચના કરી હતી અને આજે તે રમખાણોના ગુનેગારો જેલમાં છે.

નડ્ડાએ કહ્યું કે, જો તમારા યોગદાનને ઓળખવું, તેનું સન્માન કરવું અને તમને મુખ્ય પ્રવાહમાં સામેલ કરીને તમને સંપૂર્ણ તાકાત સાથે આગળ લઈ જવું શક્ય હોય, તો તે ફક્ત ભાજપમાં જ શક્ય છે. શીખ સમુદાયના લોકો ભાજપમાં જોડાય તે અમારા માટે ગર્વ અને ખુશીની વાત છે. ભાજપ એકમાત્ર એવો પક્ષ છે, જેના દ્વારા આપણે દેશની એકતા, અખંડિતતા અને સુરક્ષાને આગળ વધારી શકીએ છીએ. આમાં તમારું બહુ મોટું યોગદાન છે, તમારી ભાગીદારીથી અમે આ કાર્યને વધુ ઝડપી ગતિએ આગળ ધપાવીશું.

હિન્દુસ્થાન સમાચાર/વિજયલક્ષ્મી/દધીબલ / ડો. હિતેશ