લંડન, નવી દિલ્હી, 07 મે (હિ.સ.) સ્તન કેન્સર જાગૃતિ ચેરિટી કોપ્પાફિલ ના સ્થાપક ક્રિસ હાલેન્ગાનું 38 વર્ષની વયે અવસાન થયું છે. તેમણે ઈંગ્લેન્ડના કોર્નવોલમાં તેમના ઘરે અંતિમ શ્વાસ લીધા. હાલેન્ગાએ લાખો મહિલાઓને, તેમના જીવનના અંત સુધી સ્તન કેન્સરની તપાસ કરાવવા માટે પ્રોત્સાહિત કર્યા.
ખરેખર, બ્રેસ્ટ કેન્સર વિશે જાગૃતિ ફેલાવનાર ક્રિસ હાલેંગાને 15 વર્ષ પહેલા ટર્મિનલ બ્રેસ્ટ કેન્સર હોવાનું નિદાન થયું હતું. એક વર્ષથી વધુ સમય સુધી માતા-પિતાથી દૂર રહ્યા બાદ, 23 વર્ષની ઉંમરે હાલેન્ગાને સ્તન કેન્સરની સારવાર આપવામાં આવી હતી. ક્રિસ હાલેન્ગાના મિત્ર અને લેખક, ફર્ને કોટને તેના મૃત્યુ સમયે કહ્યું, જેટલી મેં તેને જીવિત જોઈ છે, તેના કરતા તે વધુ જિંદગી જીવી છે.
નોંધનીય છે કે, કોપ્પાફીલ મિશન છોકરીઓને સ્તન કેન્સર વિશે શિક્ષિત કરે છે. સંસ્થાની જાગૃતિને કારણે ઘણી છોકરીઓને ફરીથી સામાન્ય જીવન જીવવામાં મદદ મળી. કોપ્પાફિલે સોમવારે હેલેન્ગાના મૃત્યુની પુષ્ટિ કરતા કહ્યું કે, ક્રિસે જીવન ખૂબ જ સર્જનાત્મક, મનોરંજક અને નિર્ભય રીતે જીવ્યું અને અમને બતાવ્યું કે કેન્સર સાથે પણ, સંપૂર્ણ જીવન જીવવું શક્ય છે.
હિન્દુસ્થાન સમાચાર / મુકુંદ / ડો. હિતેશ
