નવી દિલ્હી, ૧૦ ડિસેમ્બર (હિ.સ.). રાષ્ટ્રપતિ દ્રૌપદી મુર્મુ 11 અને 12 ડિસેમ્બરે મણિપુરની બે દિવસની મુલાકાતે રહેશે.

રાષ્ટ્રપતિ ભવનના જણાવ્યા અનુસાર, 11 ડિસેમ્બરે ઇમ્ફાલ પહોંચ્યા બાદ, રાષ્ટ્રપતિને ગાર્ડ ઓફ ઓનર આપવામાં આવશે. ત્યારબાદ તેઓ ઐતિહાસિક મેપલ કાંગજેઇબુંગ ખાતે પોલો પ્રદર્શન મેચનું નિરીક્ષણ કરશે. સાંજે, રાષ્ટ્રપતિ ઇમ્ફાલના સિટી કન્વેન્શન સેન્ટર ખાતે રાજ્ય સરકાર દ્વારા તેમના સન્માનમાં આયોજિત નાગરિક સ્વાગત સમારોહમાં હાજરી આપશે. આ પ્રસંગે, તેઓ અનેક વિકાસ પ્રોજેક્ટ્સનો શિલાન્યાસ અને ઉદ્ઘાટન કરશે.

તેમની મુલાકાતના બીજા દિવસે, 12 ડિસેમ્બરે રાષ્ટ્રપતિ મુર્મુ, નુપી લાલ મેમોરિયલ કોમ્પ્લેક્સની મુલાકાત લેશે અને મણિપુરની બહાદુર મહિલાઓને શ્રદ્ધાંજલિ આપશે. બાદમાં, તેઓ સેનાપતિ જિલ્લામાં એક જાહેર સભાને સંબોધિત કરશે, જ્યાં તેઓ જિલ્લા માટે શિલાન્યાસ અને વિવિધ પ્રોજેક્ટ્સનું ઉદ્ઘાટન કરશે.

હિન્દુસ્થાન સમાચાર / સુશીલ કુમાર / પ્રભાત મિશ્રા

હિન્દુસ્થાન સમાચાર / માધવી વ્યાસ