નવી દિલ્હી, 12 ડિસેમ્બર (હિ.સ.). કેન્દ્ર સરકારની આર્થિક બાબતોની કેબિનેટ સમિતિએ, શુક્રવારે 2026 સીઝન માટે બંને પ્રકારના નારિયેળ માટે લઘુત્તમ ટેકાના ભાવ (એમએસપી) વધારવાનો નિર્ણય લીધો. પ્રધાનમંત્રી નરેન્દ્ર મોદીની અધ્યક્ષતામાં આર્થિક બાબતોની કેબિનેટ સમિતિની બેઠક બાદ માહિતી અને પ્રસારણ મંત્રી અશ્વિની વૈષ્ણવે અહીં એક પત્રકાર પરિષદમાં આ જાહેરાત કરી. વૈષ્ણવે જણાવ્યું હતું કે, ખેડૂતોને લાભદાયી ભાવ આપવા માટે, 2026 સીઝન માટે નારિયેળ ગીરી મિલિંગ ગ્રેડ માટે એમએસપી માં ₹400 અને નારિયેળના ગોળા માટે ₹445નો વધારો કરવામાં આવ્યો છે. આ 2014 સીઝનની તુલનામાં અનુક્રમે 127 અને 129 ટકાનો વધારો દર્શાવે છે.

આ નિર્ણય સાથે, નારિયેળના ગીરી મિલિંગ ગ્રેડ માટે નવી એમએસપી ₹12,027 પ્રતિ ક્વિન્ટલ અને નારિયેળના ગોળા માટે ₹12,500 પ્રતિ ક્વિન્ટલ થઈ ગઈ છે.

વૈષ્ણવે જણાવ્યું હતું કે, આનો ઉદ્દેશ્ય ખેડૂતોને દેશ અને વિદેશમાં નારિયેળના ઉત્પાદનોની વધતી માંગને પહોંચી વળવા માટે કોપરા (સૂકા નારિયેળ)નું ઉત્પાદન વધારવા માટે પ્રોત્સાહિત કરવાનો છે.

હિન્દુસ્થાન સમાચાર / અનૂપ શર્મા / પવન કુમાર

હિન્દુસ્થાન સમાચાર / માધવી વ્યાસ