નવી દિલ્હી, 18 એપ્રિલ (હિ.સ.). વૈશ્વિક અર્થતંત્રમાં મંદીના ભય અને ટેરિફ યુદ્ધને લઈને અમેરિકા અને ચીન વચ્ચે ચાલી રહેલા તણાવને કારણે, સ્થાનિક બુલિયન બજારમાં સોનાના ભાવમાં સતત વધારો થઈ રહ્યો છે. આજે પહેલીવાર 24 કેરેટ સોનું 97 હજાર રૂપિયાના સ્તરથી ઉપર કારોબાર કરી રહ્યું છે. તેવી જ રીતે, આજે પહેલીવાર 22 કેરેટ સોનું 89 હજાર રૂપિયાથી ઉપર પહોંચી ગયું છે. જોકે, આજે બુલિયન બજારમાં ચાંદીના ભાવમાં થોડો ઘટાડો જોવા મળ્યો છે.

આજના વધારાને કારણે, સોનું 1,290 રૂપિયા થી 1,400 રૂપિયા પ્રતિ 10 ગ્રામ મોંઘુ થઈ ગયું છે. ભાવમાં આ વધારા પછી, 24 કેરેટ સોનું મોંઘુ થઈ ગયું છે અને દેશના મોટાભાગના બુલિયન બજારોમાં તે 97,580 થી 97,730 રૂપિયા પ્રતિ 10 ગ્રામની રેન્જમાં ટ્રેડ થઈ રહ્યું છે. તેવી જ રીતે, આજે 22 કેરેટ સોનું 89,450 થી 89,600 રૂપિયા પ્રતિ 10 ગ્રામની વચ્ચે વેચાઈ રહ્યું છે. બીજી તરફ, ચાંદીના ભાવમાં થોડો ઘટાડો થવાને કારણે, આ ચમકતી ધાતુ આજે દિલ્હી બુલિયન બજારમાં 99,900 રૂપિયા પ્રતિ કિલોના ભાવે કારોબાર કરી રહી છે.

દિલ્હીમાં, 24 કેરેટ સોનું પ્રતિ 10 ગ્રામ 97,730 રૂપિયાના ભાવે ટ્રેડ થઈ રહ્યું છે, જ્યારે 22 કેરેટ સોનાનો ભાવ પ્રતિ 10 ગ્રામ 89,600 રૂપિયા નોંધાયો છે. જ્યારે દેશની આર્થિક રાજધાની મુંબઈમાં, 24 કેરેટ સોનું 97,580 રૂપિયા પ્રતિ 10 ગ્રામ અને 22 કેરેટ સોનું 89,450 રૂપિયા પ્રતિ 10 ગ્રામના ભાવે વેચાઈ રહ્યું છે. તેવી જ રીતે અમદાવાદમાં, 24 કેરેટ સોનાનો છૂટક ભાવ પ્રતિ 10 ગ્રામ 97,630 રૂપિયા અને 22 કેરેટ સોનાનો ભાવ પ્રતિ 10 ગ્રામ 89,500 રૂપિયા નોંધાયો છે. આ મુખ્ય શહેરો ઉપરાંત ચેન્નાઈમાં, આજે 24 કેરેટ સોનું 10 ગ્રામ દીઠ 97,580 રૂપિયાના ભાવે અને 22 કેરેટ સોનું 10 ગ્રામ દીઠ 89,450 રૂપિયાના ભાવે વેચાઈ રહ્યું છે. કોલકતામાં પણ, 24 કેરેટ સોનું 10 ગ્રામ દીઠ 97,580 રૂપિયા અને 22 કેરેટ સોનું 10 ગ્રામ દીઠ 89,450 રૂપિયાના ભાવે ટ્રેડ થઈ રહ્યું છે.

લખનૌના બુલિયન માર્કેટમાં, આજે 24 કેરેટ સોનું 10 ગ્રામ દીઠ 97,730 રૂપિયાના સ્તરે અને 22 કેરેટ સોનું 10 ગ્રામ દીઠ 89,600 રૂપિયાના સ્તરે વેચાઈ રહ્યું છે. પટનામાં, 24 કેરેટ સોનાનો ભાવ 97,630 રૂપિયા પ્રતિ 10 ગ્રામ છે, જ્યારે 22 કેરેટ સોનાનો ભાવ 89,500 રૂપિયા પ્રતિ 10 ગ્રામ છે. જયપુરમાં, 24 કેરેટ સોનું 10 ગ્રામ દીઠ 97,730 રૂપિયા અને 22 કેરેટ સોનું 89,600 રૂપિયા પ્રતિ 10 ગ્રામના ભાવે વેચાઈ રહ્યું છે.

દેશના અન્ય રાજ્યોની જેમ આજે કર્ણાટક, તેલંગાણા અને ઓડિશાના બુલિયન બજારોમાં પણ સોનાના ભાવમાં વધારો થયો છે. આ ત્રણ રાજ્યોની રાજધાનીઓ, બેંગલુરુ, હૈદરાબાદ અને ભુવનેશ્વરમાં, આજે 24 કેરેટ સોનું પ્રતિ 10 ગ્રામ 97,580 રૂપિયાના ભાવે ટ્રેડ થઈ રહ્યું છે. તેવી જ રીતે, આ ત્રણેય શહેરોના બુલિયન બજારોમાં, 22 કેરેટ સોનું 89,450 રૂપિયા પ્રતિ 10 ગ્રામના ભાવે વેચાઈ રહ્યું છે.

હિન્દુસ્થાન સમાચાર/યોગિતા પાઠક/સુનીત નિગમ

હિન્દુસ્થાન સમાચાર / માધવી વ્યાસ