દેહરાદૂન, નવી દિલ્હી, 24 જૂન (હિ.સ.) ઉત્તરાખંડના ઉત્તરકાશી જિલ્લામાં યમુનોત્રી ધામ જવાના પગપાળા માર્ગ પર નૌ કૈંચી ભૈરવ મંદિર પાસે ભૂસ્ખલન બાદ કાટમાળ નીચે દટાઈ જવાથી એક છોકરી સહિત બે લોકોના મોત થયા હતા, જ્યારે બે મુસાફરો હજુ પણ ગુમ છે. એસડીઆરએફ, પોલીસ અને વન વિભાગની ટીમે મંગળવારે સવારે 6:30 વાગ્યાથી ફરી શોધ અને બચાવ કામગીરી શરૂ કરી છે.

દરમિયાન, સવારે જિલ્લા મેજિસ્ટ્રેટ પ્રશાંત આર્ય પણ ઘટનાસ્થળે પહોંચ્યા હતા. જિલ્લા મેજિસ્ટ્રેટે ઘટનાસ્થળે હાજર અધિકારીઓ પાસેથી અકસ્માતની માહિતી લીધી હતી. તેમણે ભૂસ્તરશાસ્ત્રીઓની ટીમને તાત્કાલિક ઘટનાસ્થળે પહોંચીને સ્થળનું નિરીક્ષણ કરવા અને ભૂસ્ખલનના કારણો શોધવા સૂચના આપી છે.

જિલ્લા ઇમરજન્સી ઓપરેશન સેન્ટરના જણાવ્યા અનુસાર, શોધ અને બચાવ કામગીરી ફરી શરૂ કરવામાં આવી છે. હાલ તમામ મુસાફરોને અવરજવર માટે રોકી દેવામાં આવ્યા છે, અને તેમને વૈકલ્પિક માર્ગ દ્વારા મોકલવાની કાર્યવાહી કરવામાં આવી રહી છે. કેન્દ્રના જણાવ્યા અનુસાર, મૃતકોની ઓળખ હરિશંકર પુત્ર ઓમપ્રકાશ (47) અને ખ્યાતી (09) પુત્રી હરિશંકર તરીકે કરવામાં આવી છે, બંને ઉત્તર પ્રદેશના જૌનપુરના રહેવાસી છે. ભાવિકા શર્મા (11) પુત્રી જોય શર્મા નિવાસી બી-58, કૃષ્ણ વિહાર, નવી દિલ્હી અને કમલેશ જેઠવા (35) પુત્ર કાંતિબાઈ નિવાસી મુંબઈ, મહારાષ્ટ્ર હજુ પણ ગુમ છે. બંનેની શોધખોળ ચાલી રહી છે. આ અકસ્માતમાં ઈજાગ્રસ્ત રસિકભાઈ પુત્ર બસરામભાઈ રહે મુંબઈ, મહારાષ્ટ્રને દહેરાદૂન રીફર કરવામાં આવ્યા છે.

હિન્દુસ્થાન સમાચાર/વિનોદ પોખરિયાલ/વીરેન્દ્ર સિંહ

હિન્દુસ્થાન સમાચાર / ડો.હિતેશ એન.વ્યાસ