મુંબઈ, નવી દિલ્હી, 25 જુલાઈ (હિ.સ.) પોલીસે ગઈકાલે રાત્રે મહારાષ્ટ્રના જલગાંવ

જિલ્લાના ચાલીસગાંવ નજીક, કન્નડ ઘાટ પર આશરે 60 કરોડ રૂપિયાનું 39 કિલો કેટામાઇન જપ્ત કર્યું. આ ડ્રગ એક વાહનમાં, દિલ્હીથી

બેંગલુરુ જઈ રહ્યું હતું. પોલીસે આ કેસમાં કાર ચાલકની ધરપકડ કરી છે. જલગાંવ ક્રાઇમ

બ્રાન્ચ પોલીસ હાઇવે પોલીસ સાથે મળીને આ ઘટનાની સઘન તપાસ કરી રહી છે.

પોલીસના જણાવ્યા અનુસાર, “મહારાષ્ટ્ર રાજ્ય હાઇવે પોલીસ અધિકારી સચિન

સાવંતને, દિલ્હીથી બેંગલુરુ જતી એક કાર અંગે ગુપ્ત માહિતી મળી હતી. આ આધારે, સચિન સાવંતની

આગેવાની હેઠળની પોલીસ ટીમે, ચાલીસગાંવ તાલુકાના કન્નડ ઘાટની તળેટીમાં શંકાના આધારે

કાર નંબર DL 1 CBB 7771ને રોકી અને

કારની તલાશી લીધી. આ દરમિયાન, કારમાંથી 39 કિલો કેટામાઇન મળી આવ્યું, જેનો ઉપયોગ માદક દ્રવ્યો બનાવવા માટે થાય છે.”

પોલીસે ડ્રગ જપ્ત કર્યું છે અને ડ્રાઇવરની ધરપકડ કરી છે.

પૂછપરછ દરમિયાન, કાર ચાલકે

જણાવ્યું કે,” આ વાહન દિલ્હીથી ઇન્દોર -ધુળે થઈને છત્રપતિ સંભાજીનગર અને પછી

બેંગલુરુ જઈ રહ્યું હતું.” પોલીસ આ બાબતની સંપૂર્ણ તપાસ કરી રહી છે અને અન્ય

તસ્કરોને શોધી રહી છે.

હિન્દુસ્થાન સમાચાર / રાજ બહાદુર યાદવ / રામાનુજ શર્મા

હિન્દુસ્થાન સમાચાર / માધવી વ્યાસ