લંડન, નવી દિલ્હી, 3 જુલાઈ (હિ.સ.). બ્રિટનની યુવા ટેનિસ સ્ટાર એમ્મા રાડુકાનુએ બુધવારે મોડી રાત્રે વિમ્બલ્ડન 2025ના બીજા રાઉન્ડમાં મોટો અપસેટ સર્જ્યો અને 2023ની ચેમ્પિયન માર્કેટા વોન્દ્રોશોવાને 6-3, 6-3થી હરાવીને ત્રીજા રાઉન્ડમાં પોતાનું સ્થાન સુરક્ષિત કર્યું. હવે તેનો સામનો વિશ્વની નંબર વન અને ટોચની ક્રમાંકિત આર્યના સાબાલેન્કા સાથે થશે.

બે ગ્રાન્ડ સ્લેમ વિજેતાઓ વચ્ચે રમાયેલી આ મેચમાં રાડુકાનુએ સેન્ટર કોર્ટ પર જોરદાર પ્રદર્શન કર્યું. ભૂતપૂર્વ ચેમ્પિયન હોવા છતાં, વોન્દ્રોશોવા દબાણમાં દેખાતી હતી, જ્યારે રાડુકાનુએ આત્મવિશ્વાસ સાથે આક્રમક શોટ માર્યા હતા.

રાડુકાનુએ મેચ પછી કહ્યું, મેં આજે ખૂબ સારું રમ્યું. કેટલાક પોઇન્ટ એવા હતા જે હું પોતે સમજી શકી નહીં, કે મેં કેવી રીતે બચાવ્યા. માર્કેટા સામે રમવું મુશ્કેલ હતું, તે આ ટુર્નામેન્ટની વિજેતા રહી છે. પરંતુ મને ખુશી છે કે મેં આખી મેચ દરમિયાન મારી રમત જાળવી રાખી.

રાડુકાનુએ પહેલા સેટમાં 4-2ની લીડ મેળવી હતી, જોકે તેણીએ આગલી ગેમમાં તેની સર્વિસ ગુમાવી દીધી હતી. પરંતુ વોન્દ્રોશોવાની ફોરહેન્ડ ભૂલથી રાદુકાનુને બીજો બ્રેક મળ્યો અને તેણીએ પહેલો સેટ 6-3થી જીતી લીધો.

વોન્દ્રોશોવાની ભૂલો બીજા સેટમાં પણ ચાલુ રહી. તે ફોરહેન્ડ અને બેકહેન્ડમાં ઘણી વખત ચૂકી ગઈ, જેના કારણે રાડુકાનુને લીડ મળી. અંતે, વોન્દ્રોશોવાની બેકહેન્ડ ભૂલથી રાદુકાનુને જીત મળી.

રાડુકાનુ હવે ત્રીજા રાઉન્ડમાં સાબાલેન્કાનો સામનો કરશે, જે તાજેતરમાં શાનદાર ફોર્મમાં છે અને ઘણી મોટી જીત નોંધાવી છે. આ મેચ દર્શકો માટે ખૂબ જ રોમાંચક રહેવાની અપેક્ષા છે.

હિન્દુસ્થાન સમાચાર / સુનિલ દુબે

હિન્દુસ્થાન સમાચાર / માધવી વ્યાસ