ગીર સોમનાથ 31 જુલાઈ (હિ.સ.) પ્રધાનમંત્રી સુરક્ષિત માતૃત્વ અભિયાન (PMSMA) અંતર્ગત કોડીનાર તાલુકાના પણાદર પ્રાથમિક આરોગ્ય સેન્ટર ખાતે સગર્ભા મહિલાઓ માટે મેડિકલ ચેકઅપ કેમ્પ યોજાયો હતો.
આ મેડિકલ ચેકઅપ કેમ્પમાં ખાનગી હોસ્પિટલના સ્ત્રીરોગ નિષ્ણાત ડો.શ્વેતા દ્વારા સગર્ભા મહિલાઓની જરૂરી તપાસ કરી માર્ગદર્શન આપવામાં આવ્યું હતું.
આ મેડિકલ કેમ્પમાં મૂળદ્વારકા, પણાદર, છારા, કડોદરા, દામલી સહિતના ગામોમાંથી ૬૨ જેટલી સગર્ભા મહિલાઓને સંપૂર્ણ એએનસી ચેકઅપ, લોહીની તપાસો, નિયમિત ચેકઅપ સાથે જ જરૂરી દવાઓ સાથે માતૃત્વ અંગે માર્ગદર્શન આપવામાં આવ્યું હતું.
આ આયોજનનો મુખ્ય ઉદ્દેશ સગર્ભાવસ્થાની યોગ્ય સંભાળ અને સુરક્ષિત માતૃત્વ પ્રોત્સાહિત કરવાનો છે. પણાદર પી.એચ.સી.ની ટીમે ડો.શ્વેતાના મળેલા સહકાર બદલ હૃદયપૂર્વક આભાર વ્યક્ત કર્યો હતો.
આ સાથે જ ૧૦૮ ટીમ, ખીલખીલાહટની ટીમનો પણ આભાર વ્યક્ત કર્યો છે. આ કેમ્પમાં ડૉ.પ્રતીક્ષા ઝાલા અને ડૉ.મયુરી ગોહેલ તથા તમામ સ્ટાફ અને આશા બહેનો સહભાગી થયા હતાં.
---------------
હિન્દુસ્થાન સમાચાર / ભરતસિંહ જાદવ
01 Aug 2025
