નવી દિલ્હી, 14 ઓગસ્ટ (હિ.સ.). પ્રધાનમંત્રી નરેન્દ્ર મોદીએ કહ્યું કે 'વિભાજન વિભીષિકા સ્મૃતિ દિવસ' આપણને કાયમી જવાબદારીની યાદ અપાવે છે. આ દિવસ આપણા ઇતિહાસનો એક દુઃખદ પ્રકરણ છે. દેશના ભાગલાને કારણે અસંખ્ય લોકોએ લાંબી યાતના સહન કરી છે.

પ્રધાનમંત્રી મોદીએ, આજે 'વિભાજન વિભીષિકા સ્મૃતિ દિવસ' નિમિત્તે તેમના સત્તાવાર એક્સ હેન્ડલ પર લખ્યું, ભારત વિભાજન વિભીષિકા સ્મૃતિ દિવસ ઉજવે છે અને આપણા ઇતિહાસના તે દુઃખદ પ્રકરણ દરમિયાન અસંખ્ય લોકોએ સહન કરેલી વેદનાને યાદ કરે છે. આ દિવસ તેમની ધીરજ, અકલ્પનીય નુકસાનનો સામનો કરવાની તેમની ક્ષમતા અને છતાં નવી શરૂઆત કરવાની શક્તિ શોધવાનો પણ દિવસ છે.

તેમણે કહ્યું, ઘણા લોકો જે અસરગ્રસ્ત થયા હતા, તેઓએ પોતાનું જીવન ફરીથી બનાવ્યું અને નોંધપાત્ર સિદ્ધિઓ હાંસલ કરી. આ દિવસ આપણને આપણા દેશને એક સાથે બાંધતા સંવાદિતાના બંધનને મજબૂત કરવાની આપણી કાયમી જવાબદારીની પણ યાદ અપાવે છે.

હિન્દુસ્થાન સમાચાર / મુકુન્દ

હિન્દુસ્થાન સમાચાર / ડો.હિતેશ એન.વ્યાસ