નવી દિલ્હી, 5 જાન્યુઆરી (હિ.સ.). કેન્દ્રીય શિક્ષણ મંત્રી ધર્મેન્દ્ર પ્રધાને સોમવારે રાષ્ટ્રીય ઉર્દૂ ભાષા પ્રમોશન પરિષદ (એનસીપીયુએલ) દ્વારા પ્રકાશિત ખુતબાત-એ-મોદી પુસ્તકનું વિમોચન કર્યું. આ પુસ્તક 2014 થી 2025 દરમિયાન ઐતિહાસિક લાલ કિલ્લાની પ્રાચીર પરથી રાષ્ટ્રને સંબોધિત પ્રધાનમંત્રી નરેન્દ્ર મોદીના સ્વતંત્રતા દિવસના ભાષણોનું ઉર્દૂ સંકલન છે.

આ પ્રસંગે પ્રધાને કહ્યું કે, આશરે છ કરોડ ઉર્દૂભાષી ભાઈ-બહેનો માટે પ્રકાશિત આ પુસ્તક, પ્રધાનમંત્રીના સ્વચ્છ ભારતથી વિકસિત ભારત સુધીના વિચારો, સંકલ્પો અને દ્રષ્ટિકોણને એક તાંતણા માં બાંધે છે. આ પુસ્તક નાગરિકોને દેશની આશાઓ અને આકાંક્ષાઓ અને પ્રધાનમંત્રીના દૂરંદેશી વિચારસરણી સાથે જોડશે. આ પુસ્તક દ્વારા પ્રધાનમંત્રીના ભાષણો, જેમાં અંત્યોદય, ગરીબ કલ્યાણ, સ્વચ્છ ભારત અને ઉજ્જવલા યોજના અને 140 કરોડ ભારતીયોના સપનાઓનો સમાવેશ થાય છે, તેને લગતા મહત્વપૂર્ણ વિષયો વાચકો સુધી પહોંચાડવામાં આવ્યા છે. આવા પુસ્તકો નાગરિકોને દેશના ધ્યેયો, આકાંક્ષાઓ અને પ્રધાનમંત્રીના વિઝન સાથે જોડવાનું એક શક્તિશાળી માધ્યમ બને છે.

તેમણે કહ્યું કે, આ પુસ્તક દેશના દરેક પુસ્તકાલય સુધી પહોંચવું જોઈએ, જેથી 'વિકસિત ભારત' ના ધ્યેય અંગે સમાજમાં વ્યાપક ચર્ચા થઈ શકે. પ્રધાને રાષ્ટ્રીય ઉર્દૂ ભાષા વિકાસ પરિષદને ભારતના સમૃદ્ધ વારસા, સંસ્કૃતિ અને જ્ઞાન પરંપરા સાથે સંબંધિત ઉર્દૂ ભાષામાં શક્ય તેટલા વધુ પ્રકાશનો પ્રકાશિત કરવાની પણ સલાહ આપી.

તેમણે 'ખુતબાત-એ-મોદી' ના પ્રશંસનીય પ્રકાશન માટે કાઉન્સિલને અભિનંદન આપ્યા અને આશા વ્યક્ત કરી કે, આ પુસ્તક પ્રધાનમંત્રીના સંકલ્પ અને વિચારોને સામાન્ય જનતા, બૌદ્ધિકો અને યુવાનો સુધી અસરકારક રીતે પહોંચાડવામાં મદદરૂપ સાબિત થશે.

હિન્દુસ્થાન સમાચાર / સુશીલ કુમાર / પવન કુમાર

હિન્દુસ્થાન સમાચાર / માધવી વ્યાસ