નવી દિલ્હી, 3 માર્ચ (હિ.સ.). કોંગ્રેસ સંસદીય પક્ષના અધ્યક્ષ સોનિયા ગાંધીએ, ઈરાનના સર્વોચ્ચ નેતા આયાતુલ્લાહ અલી ખામેનેઇની અમેરિકા-ઇઝરાયલના સંયુક્ત હવાઈ હુમલામાં હત્યા પર સરકારના મૌન પર સવાલ ઉઠાવ્યા છે. તેમણે કહ્યું કે, આ મૌન તટસ્થતા નથી પરંતુ જવાબદારીનો ત્યાગ છે.

સોનિયા ગાંધીએ એક અંગ્રેજી અખબારમાં લખ્યું છે કે, અમેરિકા અને ઇઝરાયલ દ્વારા ઈરાની નેતાની હત્યા, આંતરરાષ્ટ્રીય કાયદા અને સાર્વભૌમત્વ પર સીધો હુમલો છે. સંયુક્ત રાષ્ટ્ર ચાર્ટરની કલમ 2(4) કોઈપણ દેશની રાજકીય સ્વતંત્રતા અને પ્રાદેશિક અખંડિતતા સામે બળનો ઉપયોગ પ્રતિબંધિત કરે છે. આ સંદર્ભમાં, ભારત જેવા લોકશાહી દેશ તરફથી સ્પષ્ટ પ્રતિભાવનો અભાવ ચિંતાજનક છે.

કોંગ્રેસ પાર્ટીએ ઈરાનમાં બોમ્બ વિસ્ફોટો અને લક્ષ્યાંકિત હત્યાઓની નિંદા કરી છે અને તેમને ખતરનાક ગણાવ્યા છે. પાર્ટીએ ઈરાની લોકો અને શિયા સમુદાયો પ્રત્યે સંવેદના વ્યક્ત કરી છે અને જણાવ્યું છે કે, ભારતની વિદેશ નીતિ શાંતિ અને વિવાદોના શાંતિપૂર્ણ ઉકેલ પર આધારિત છે.

હિન્દુસ્થાન સમાચાર / પ્રશાંત શેખર / સંજીવ પાશ

હિન્દુસ્થાન સમાચાર / માધવી વ્યાસ