જૂનાગઢ,12 ઓગસ્ટ (હિ.સ.) બહાઉદ્દીન વિનયન કોલેજ, જૂનાગઢ ખાતે રાજ્ય સરકાર દ્વારા અમલીકૃત કરાયેલી Student Startup and Innovation Policy (SSIP 2.0) અંતર્ગત વિદ્યાર્થીઓમાં સ્ટાર્ટઅપ, નવીનતા અને ઉદ્યોગ સાહસિકતા અંગે જાગૃતિ લાવવા માટે SSIP Sensitization Program નું આયોજન કરવામાં આવ્યું હતું. આ સમગ્ર કાર્યક્રમ ઓનલાઈન માધ્યમ દ્વારા યોજાયો હતો.

આ કાર્યક્રમમાં બહાઉદ્દીન સાયન્સ કોલેજના SSIP સંયોજક પ્રશાંત વાછાણી રિસોર્સ પર્સન તરીકે ઉપસ્થિત રહ્યા હતા. તેમણે વિદ્યાર્થીઓને SSIP 2.0 હેઠળ ઉપલબ્ધ વિવિધ તકો, Proof of Concept (PoC), સ્ટાર્ટઅપ વિકાસ, ગ્રાન્ટ સહાય તેમજ નવીન વિચારોને સફળ સ્ટાર્ટઅપમાં પરિવર્તિત કરવાની પ્રક્રિયા અંગે વિસ્તૃત માર્ગદર્શન આપ્યું હતું. તેમજ કાર્યક્રમ દરમિયાન વિદ્યાર્થીઓના પ્રશ્નોના સંતોષકારક જવાબો પણ આપવામાં આવ્યા.

આ તકે 70 જેટલા વિદ્યાર્થીઓએ ઉત્સાહપૂર્વક ભાગ લીધો હતો. તેમજ સમગ્ર આયોજન આચાર્ય ડો.જે.આર.વાંઝાના માર્ગદર્શન હેઠળ કોલેજના SSIP Coordinator ડૉ.દીપિકા કેવલાણી દ્વારા કરવામાં આવ્યું હતું. કાર્યક્રમના સફળ આયોજન બદલ પ્રો.આર.એસ.પરમાર,ડૉ.જીગ્નેશ કાચા, ડૉ.મેઘરાજસિંહ જાડેજાએ મહત્વપૂર્ણ સહયોગ આપ્યો હતો.

ઉપરોક્ત કાર્યક્રમના અંતે વિદ્યાર્થીઓને SSIP યોજનાનો મહત્તમ લાભ લઈને પોતાના નવીન વિચારોને સ્ટાર્ટઅપમાં પરિવર્તિત કરવા અપીલ પણ કરવામાં આવી હતી.

હિન્દુસ્થાન સમાચાર / ભરતસિંહ જાદવ