નવી દિલ્હી, 24 સપ્ટેમ્બર (હિ.સ.). કેન્દ્રીય જળ શક્તિ મંત્રી સી.આર. પાટીલની અધ્યક્ષતામાં, આજે ભારત અને નેધરલેન્ડ વચ્ચે જળ ક્ષેત્રમાં વ્યૂહાત્મક ભાગીદારીને લઈને દ્વિપક્ષીય બેઠકનું આયોજન કરવામાં આવ્યું છે. બેઠક બપોરે ત્રણ વાગ્યે ભારત મંડપમ પરિસરમાં યોજાશે.

જળ શક્તિ મંત્રાલય અનુસાર, બેઠક દરમિયાન ભારત અને નેધરલેન્ડ વચ્ચે જળ ક્ષેત્રમાં વ્યૂહાત્મક ભાગીદારી તથા સેન્ટર ઓફ એક્સેલન્સ સ્થાપિત કરવા સહિત વિવિધ મુદ્દાઓ પર ચર્ચા થશે.

આ અવસરે કેન્દ્રીય જળ આયોગ (સીડબ્લ્યુસી), ગુજરાત સરકારના કલ્પસર વિભાગ અને નેધરલેન્ડના જળ સંબંધિત સંશોધન સંસ્થા ડેલ્ટારેસ વચ્ચે પરિયોજનામાં તકનીકી સહયોગ માટે ત્રિપક્ષીય સમજૂતી કરાર (એમઓયુ) પર હસ્તાક્ષર કરવામાં આવશે.

આ ઉપરાંત, સીડબ્લ્યુસી, ગુજરાત સરકારના કલ્પસર વિભાગ અને નેધરલેન્ડની ડેલ્ફ્ટ ટેકનિકલ યુનિવર્સિટી વચ્ચે ક્ષમતા નિર્માણ અને તાલીમ માટે પણ ત્રિપક્ષીય એમઓયુ કરવામાં આવશે.

ભારત મંડપમમાં 22 સપ્ટેમ્બરથી શરૂ થયેલા પાંચ દિવસીય ભારત આંતરરાષ્ટ્રીય જળ સપ્તાહ-2026 હેઠળ આયોજિત આ કાર્યક્રમમાં જળ વ્યવસ્થાપન, તકનીકી સહયોગ અને ક્ષમતા નિર્માણના ક્ષેત્રમાં ભારત-નેધરલેન્ડ ભાગીદારીને વધુ મજબૂત કરવા પર ભાર રહેશે.

હિન્દુસ્થાન સમાચાર /પવન કુમાર / મુકુંદ

હિન્દુસ્થાન સમાચાર / માધવી વ્યાસ