મિયામી, નવી દિલ્હી, 11 ઓક્ટોબર (હિ.સ.): લિયોનેલ મેસી ની ગેરહાજરી છતાં, શુક્રવારે મિયામીમાં રમાયેલી આંતરરાષ્ટ્રીય મૈત્રીપૂર્ણ મેચમાં આર્જેન્ટિનાએ વેનેઝુએલાને 1-0થી હરાવ્યું.

જીયોવાની લો સેલ્સોએ 31મી મિનિટે વિશ્વ ચેમ્પિયન આર્જેન્ટિના માટે મેચનો એકમાત્ર ગોલ કર્યો. આ ગોલ શાનદાર ટીમ કોમ્બિનેશનનું પરિણામ હતું, જેમાં જુલિયન અલ્વારેઝ અને લાઉટારો માર્ટિનેઝ વચ્ચેની શાનદાર ભાગીદારીનો સમાવેશ થાય છે. લો સેલ્સોએ વેનેઝુએલાના ગોલકીપર જોસ કોન્ટ્રેરાસને ડાબા પગના ચોક્કસ શોટથી હરાવ્યો.

આ મેચ હાર્ડ રોક સ્ટેડિયમ ખાતે રમાઈ હતી, જ્યાં 65,000 ક્ષમતાવાળા સ્ટેડિયમમાં ફક્ત 15,000 દર્શકો હાજર હતા. ઇન્ટર મિયામી સ્ટાર મેસ્સીએ સ્ટેન્ડમાંથી આ મેચ જોઈ.

આલ્વારેઝ અને માર્ટિનેઝે આર્જેન્ટિના માટે સતત આક્રમક રમત દર્શાવી, જ્યારે ફુલબેક નાહુએલ મોલિનાએ પણ પ્રભાવિત કર્યા.

આંતરરાષ્ટ્રીય વિરામ દરમિયાન ફ્લોરિડામાં આ મેચ આર્જેન્ટિનાની બે પ્રેક્ટિસ મેચમાંથી પ્રથમ હતી. વિશ્વ ચેમ્પિયન આગામી મંગળવારે ફોર્ટ લોડરડેલમાં પ્યુર્ટો રિકો સામે રમશે. આ મેચ મૂળ શિકાગોના સોલ્જર ફિલ્ડ ખાતે યોજાવાની હતી, પરંતુ અમેરિકા માં ઇમિગ્રેશન પર સરકારના કડક પગલાંને કારણે તેને ખસેડવામાં આવી હતી.

હિન્દુસ્થાન સમાચાર / સુનિલ દુબે

હિન્દુસ્થાન સમાચાર / ડો.હિતેશ એન.વ્યાસ