ગીર સોમનાથ 17 ઓક્ટોબર (હિ.સ.) જિલ્લા કલેક્ટર એન.વી.ઉપાધ્યાય તેમજ જિલ્લા વિકાસ અધિકારી સ્નેહલ ભાપકરના માર્ગદર્શન હેઠળ મુખ્ય જિલ્લા આરોગ્ય અધિકારી ડો.પી.એન.બરુઆ સૂચનાથી તમામ આરોગ્ય કેન્દ્ર અને તમામ પોલિયો બુથના પર, ૦ થી ૫ વર્ષના બાળકોને પોલિયોના ટીપા પીવડાવવા ઝૂંબેશ હાથ ધરવામાં આવી હતી.

આ ઝૂંબેશ અંતર્ગત ગીર સોમનાથ જિલ્લામાં ૧,૩૪,૦૭૩ બાળકોને પોલિયોના ટીપા પીવડાવી રક્ષિત કરવામાં આવ્યાં છે. પોલિયોના ટીપાની સાથે બાળકોને રમકડાં, ચોકલેટ સહિતની વસ્તુ આપવામાં આવી હતી. આ રીતે ગીર સોમનાથ જિલ્લામાં સુપરવાઈઝર તેમજ કર્મચારીઓ દ્વારા ખૂબ જ ઉત્તમ કામગીરી કરી બાળકોને પોલિયોથી રક્ષિત કર્યા હતાં.

---------------

હિન્દુસ્થાન સમાચાર / ભરતસિંહ જાદવ