સુરત, 17 ઓક્ટોબર (હિ.સ.) ગુજરાતના રાજકારણમાં આજે ઐતિહાસિક ક્ષણ નોંધાઈ છે. સુરતના લોકપ્રિય યુવા નેતા હર્ષ સંઘવીને ભૂપેન્દ્ર પટેલની નવી સરકારમાં ઉપમુખ્યમંત્રી (ડેપ્યુટી સીએમ) તરીકે સ્થાન મળતાં જ સમગ્ર સુરતમાં આનંદની લહેર ફેલાઈ ગઈ છે.

જેમ જ હર્ષ સંઘવીના ઉપમુખ્યમંત્રી તરીકેના શપથના સમાચાર સુરત પહોંચ્યા, તેમ જ સુરતના મજૂરા વિસ્તારમાં આવેલ તેમના જનસંપર્ક કાર્યાલયની બહાર કાર્યકર્તાઓ મોટી સંખ્યામાં ભેગા થયા હતા. કાર્યકર્તાઓએ ઢોલ-તાશાના તાલે નાચી ઉઠ્યા, ફટાકડાં ફોડ્યાં અને મીઠાઈ વહેંચીને ઉત્સાહભેર ઉજવણી કરી. સમગ્ર વિસ્તાર “હર્ષ સંઘવી ઝિંદાબાદ” અને “સુરતનો ગૌરવ – હર્ષ સંઘવી”ના નારાઓથી ગુંજી ઉઠ્યો.

સ્થાનિક કાર્યકર્તાઓએ જણાવ્યું કે આ પદ માત્ર હર્ષ સંઘવી માટે જ નહીં પરંતુ સમગ્ર સુરત માટે ગૌરવની બાબત છે. યુવા નેતા તરીકે તેમણે સતત લોકો વચ્ચે રહી વિકાસ માટે કામ કર્યું છે. તેમનું ઉપમુખ્યમંત્રી તરીકેનું સ્થાન સુરતના પ્રતિનિધિત્વને રાજ્ય સ્તરે વધુ મજબૂત કરશે.

જણાવી દઈએ કે હર્ષ સંઘવી મજૂરા વિધાનસભા બેઠક પરથી સતત ત્રણ વખત વિજય મેળવી વિધાનસભામાં પહોંચ્યા છે. દરેક ચૂંટણીમાં તેમણે વિપુલ બહુમતી સાથે જીત મેળવીને પોતાનો જનઆધાર મજબૂત કર્યો છે. તેમની કાર્યશૈલી, યુવા નેતૃત્વ અને સંગઠન પ્રત્યેની પ્રતિબદ્ધતાને કારણે તેઓ આજે રાજ્યના સૌથી યુવા ડેપ્યુટી સીએમ તરીકે ઓળખાય છે.

કાર્યકર્તાઓએ જણાવ્યું કે સુરતના લોકો માટે આ ક્ષણ અત્યંત ગૌરવની છે. હર્ષ સંઘવીના નેતૃત્વ હેઠળ શહેરને રાજ્ય સરકારમાં વધુ સશક્ત પ્રતિનિધિત્વ મળશે અને સુરતના વિકાસના નવા દ્વાર ખુલી રહેશે તેવી અપેક્ષા વ્યક્ત કરવામાં આવી છે.

આ રીતે, હર્ષ સંઘવીની ઉપમુખ્યમંત્રી તરીકેની નિમણૂક સુરતના રાજકીય ઇતિહાસમાં એક મહત્વપૂર્ણ અધ્યાય બની રહી છે, જ્યાં એક યુવા નેતાએ પોતાની પ્રતિભા, જનસંપર્ક અને સેવા ભાવના દ્વારા રાજ્યની ટોચની પદવી સુધીનો સફર સફળતાપૂર્વક પૂર્ણ કર્યો છે.

હિન્દુસ્થાન સમાચાર / યજુવેન્દ્ર દુબે