પોરબંદર, 18 ઓક્ટોબર (હિ.સ.)પોરબંદર જિલ્લામા દિવાળીના તહેવારમા વિદેશી દારૂની હેરાફેરી કરતા બે શખ્સોને પોલીસ ઝડપાયા હતા પોરબંદરના છાયા નવાપરા વિસ્તારમાં રહેતો પ્રતિક નિલેષગર રામદત્તી નામનો શખ્સ બોલેરો કાર લઇ ગોસા ચેકપોસ્ટ પાસેથી પસાર થઇ રહ્યો હતો પોલીસે શંકાના આધારે રોકીને તલાશી લેતા તેમાંથી વિદેશી દારૂની બોટલ નંગ-4 કિંમત રૂ. 4800નો મુદામાલ મળી આવતા તેમની સામે નવી બંદર પોલીસ સ્ટેશનમા ગુન્હો નોંધવામા આવ્યો છે અન્ય બનાવમા પોરબંદરના કુંભારવાડા વિસ્તારમાં રહેતા ભીખુ વિરજી પરમાર નામના શખ્સને પોલીસે શંકાના આધારે રોકી તલાશી લેતા તેમની પાસેથી વિદેશી દારૂની બોટલ નંગ -06 કિંમત રૂ.1300નો મુદામાલ મળી આવતા પોલીસે તેમની અટકાયત કરતા પુછપરછ કરતા દારૂનો જથ્થો આકાશ ઉર્ફે પપ્પુ જુંગી પાસેથી લીધો હોવાની કબુલાત આપતા ર્કિતિમંદિર પોલીસ સ્ટેશનમા ગુન્હો નોંધવામા આવ્યો છે.

---------------

હિન્દુસ્થાન સમાચાર / Tejas Pravinbhai Dholariya