-શાંતિપૂર્ણ દિવાળી અને કાયદો વ્યવસ્થા જાળવવા શહેરીજનોને અપીલ.

ગીર સોમનાથ 19 ઓક્ટોબર (હિ.સ.) દિવાળીના તહેવાર પૂર્વે ઉના પોલીસે શહેરમાં કાયદો અને વ્યવસ્થા જાળવવા તેમજ શાંતિપૂર્ણ માહોલ સુનિશ્ચિત કરવા માટે ફ્લેગ માર્ચ અને વાહન ચેકિંગ હાથ ધર્યું હતું. આજે સાંજે શહેરના ભીડભાડવાળા વિસ્તારોમાં આ કાર્યવાહી કરવામાં આવી હતી. ઉના પી.આઈ. એમ.એન. રાણાના નેતૃત્વ હેઠળ આ ફ્લેગ માર્ચ યોજાઈ હતી. જેમાં ઉના સેકન્ડ પી.આઈ. જે.જે. પરમાર, પી.એસ.આઈ. કે.એમ. ચાવડા, ઉના પોલીસનો ડી-સ્ટાફ, મહિલા પોલીસ, હોમગાર્ડ, જી.આર.ડી. અને ટી.આર.બી.ના જવાનો જોડાયા હતા. પોલીસે જાહેર જનતાને અપીલ કરી હતી કે તહેવાર દરમિયાન કોઈ અસામાજિક તત્વો દ્વારા હેરાનગતિ કરવામાં આવે તો તાત્કાલિક પોલીસને જાણ કરવી. સરકારે શરૂ કરેલી 112 હેલ્પલાઈન સેવાનો પણ લાભ લેવા જણાવાયું હતું. આ ઉપરાંત, ફ્લેગ માર્ચ દરમિયાન પોલીસે શહેરીજનોને દિવાળી ની શુભેચ્છા ઓ પણ પાઠવી હતી.

---------------

હિન્દુસ્થાન સમાચાર / ભરતસિંહ જાદવ