મહેસાણા,25 ડિસેમ્બર (હિ.સ.)

આજ રોજ મહેસાણા જિલ્લાના સતલાસણા તાલુકામાં કેશ ક્રેડિટ કેમ્પનું સફળ આયોજન કરવામાં આવ્યું હતું. આ કેમ્પનો મુખ્ય હેતુ સ્વસહાય જૂથો, નાના વેપારીઓ અને ગ્રામ્ય વિસ્તારના લાભાર્થીઓને સરળ અને સમયસર નાણાકીય સહાય પૂરી પાડવાનો રહ્યો હતો.

આ આયોજન અંતર્ગત કુલ 22 જૂથોને રૂ. 39.25 લાખની લોનનું વિતરણ કરવામાં આવ્યું. લોન પ્રાપ્ત કરનાર જૂથોમાં મુખ્યત્વે સ્વસહાય જૂથો, નાના ધંધા-વ્યવસાય સાથે જોડાયેલા લોકો તેમજ રોજગાર સર્જન માટે પ્રયત્નશીલ લાભાર્થીઓનો સમાવેશ થયો હતો. આ નાણાકીય સહાયથી લાભાર્થીઓને પોતાનો વ્યવસાય વિસ્તૃત કરવા, નવી પ્રવૃત્તિ શરૂ કરવા તથા આર્થિક રીતે સ્વાવલંબી બનવામાં મદદ મળશે.

કેમ્પ દરમિયાન સંબંધિત અધિકારીઓ અને બેંક પ્રતિનિધિઓ દ્વારા લોન પ્રક્રિયા, ચુકવણી વ્યવસ્થા અને જવાબદાર નાણાકીય વ્યવહાર અંગે માર્ગદર્શન આપવામાં આવ્યું હતું. તેમજ સરકારની વિવિધ સહાય યોજનાઓ વિશે પણ માહિતી આપવામાં આવી હતી, જેથી વધુમાં વધુ લોકો તેનો લાભ લઈ શકે.

સ્થાનિક સ્તરે આયોજિત આવા કેશ ક્રેડિટ કેમ્પો ગ્રામ્ય અર્થતંત્રને મજબૂત બનાવવામાં મહત્વપૂર્ણ ભૂમિકા ભજવે છે. સતલાસણા તાલુકામાં યોજાયેલ આ કેમ્પથી અનેક પરિવારોએ આર્થિક રાહત અનુભવી છે અને વિસ્તારના વિકાસને નવી ગતિ મળશે એવી આશા વ્યક્ત કરવામાં આવી છે.

હિન્દુસ્થાન સમાચાર / RINKU AMITKUMAR THAKOR