પાટણ, 28 મે (હિ.સ.)પાટણમાં વિશ્વ પર્યાવરણ દિવસ 2025ની ઉજવણી અંતર્ગત 'પ્લાસ્ટિક પ્રદૂષણનો અંત લાવો' થીમ પર વિશેષ વોકાથોનનું આયોજન કરવામાં આવ્યું. વોકાથોન જિલ્લાના રમત-ગમત સંકુલથી બગવાડા દરવાજા સુધી યોજાઈ હતી.

વોકાથોનને જિલ્લા કલેક્ટર તુષાર ભટ્ટે લીલી ઝંડી આપી પ્રારંભ કરાવ્યો હતો. કાર્યક્રમમાં જિલ્લા વિકાસ અધિકારી પણ ખાસ ઉપસ્થિત રહ્યા હતા.

આ વિશેષ વોકાથોનમાં મોટી સંખ્યામાં ખેલાડીઓએ ઉત્સાહભેર ભાગ લીધો હતો. આયોજનનો મુખ્ય હેતુ પ્લાસ્ટિક પ્રદૂષણ સામે જનજાગૃતિ ફેલાવવાનો રહ્યો હતો.

હિન્દુસ્થાન સમાચાર / પરમાર હાર્દિકકુમાર