રાજકોટ 13 જુલાઈ (હિ.સ.) જય જવાન નાગરિક સમિતિ - સુરત અને સદભાવના વૃદ્ધાશ્રમના સંયુક્ત ઉપક્રમે રાજકોટ ખાતે આવેલ પ્રમુખસ્વામી ઓડીટોરીયમમાં શહીદવીરોના પરિવારોના સન્માન સમારોહનું ભવ્ય આયોજન કરવામાં આવ્યું હતું. આ અવસરે કૃષિ પ્રધાન રાઘવજીભાઈ પટેલ ઉપસ્થિત રહ્યા હતા અને દેશમાતાના રક્ષાર્થી પોતાના જીવનનું સર્વસ્વ અર્પણ કરનાર શહીદોની વિરાંગનાઓ અને પરિવારજનોને કૃતજ્ઞતા સહિત સન્માન અર્પણ કર્યું હતું.

આ સન્માન સમારોહ દ્વારા એ બલિદાનોને શ્રદ્ધાંજલિ આપવામાં આવી હતી જે શહીદે પોતાનું જીવન દેશ માટે ન્યોછાવર કરી દીધું. રાઘવજીભાઈ પટેલે જણાવ્યું હતું કે શહીદોનું બલિદાન ભારતના ભવિષ્ય માટે એક અવિસ્મરણીય વારસો છે, જે યુવાનોમાં દેશભક્તિ અને ત્યાગની ભાવનાને ઊંડાણ આપે છે.

આ કાર્યક્રમમાં અનેક શહીદ પરિવારોની હાજરી રહી હતી અને તેમને સામાજિક સંસ્થાઓ દ્વારા સન્માનિત કરવામાં આવ્યા. આ ઉદાહરણ દ્વારા સમાજમાં શહીદો પ્રતિ સંવેદનશીલતા અને આપણી જવાબદારીનું બોધ પણ આપવામાં આવ્યું.

---------------

હિન્દુસ્થાન સમાચાર / Gondaliya Abhishek