નવી દિલ્હી, 24 જુલાઈ (હિ.સ.) મોહિત સુરી દિગ્દર્શિત રોમેન્ટિક ડ્રામા ફિલ્મ 'સૈયારા' રિલીઝ થયાને લગભગ

એક અઠવાડિયું થઈ ગયું છે. ખાસ વાત એ છે કે, આ ફિલ્મ અનન્યા પાંડેના ભાઈ અહાન

પાંડેની ડેબ્યૂ ફિલ્મ છે. તેની સાથે અનિતા પદ્દા સ્ક્રીન પર જોવા મળી રહી છે, અને આ જોડીને

દર્શકોનો ઘણો પ્રેમ મળી રહ્યો છે. 18 જુલાઈના રોજ સિનેમાઘરોમાં રિલીઝ થયેલી આ

ફિલ્મ શરૂઆતથી જ બોક્સ ઓફિસ પર શાનદાર પ્રદર્શન કરી રહી છે. હવે છઠ્ઠા દિવસની

કમાણીના આંકડા બહાર આવ્યા છે.

બોક્સ ઓફિસ ટ્રેકર સૅકનિલ્ક અનુસાર, 'સૈયારા'એ રિલીઝના છઠ્ઠા

દિવસે બુધવારે 21 કરોડ રૂપિયાની શાનદાર કમાણી કરી હતી. આ આંકડા સાથે, ફિલ્મનું કુલ

બોક્સ ઓફિસ કલેક્શન હવે 153.25 કરોડ રૂપિયા પર પહોંચી ગયું છે. પહેલા દિવસે

ફિલ્મની શરૂઆત 21.5 કરોડ રૂપિયાથી થઈ હતી. આ પછી, તેણે બીજા દિવસે 26 કરોડ, ત્રીજા દિવસે 35.75 કરોડ, ચોથા દિવસે 24 કરોડ અને પાંચમા

દિવસે 25 કરોડનો વ્યવસાય

કર્યો. અહાન પાંડે અને અનિત પદ્દાની આ ડેબ્યૂ ફિલ્મ સતત દર્શકોના દિલ જીતી રહી છે

અને બોક્સ ઓફિસ પર સારું પ્રદર્શન કરી રહી છે.

18 જુલાઈના રોજ

સિનેમાઘરોમાં રિલીઝ થયેલી 'સૈયારા' એક મ્યુઝિકલ

રોમેન્ટિક ડ્રામા છે, જેણે તેની

ભાવનાત્મક વાર્તા અને સંગીતથી દર્શકોને સંપૂર્ણપણે મોહિત કર્યા છે. આ ફિલ્મ સાથે, અહાન પાંડેએ

અભિનયની દુનિયામાં પ્રવેશ કર્યો છે, જ્યારે અનિત પદ્દાએ તેમાં મુખ્ય અભિનેત્રી તરીકે ડેબ્યૂ

કર્યું છે. ફિલ્મમાં, અહાને ક્રિશની

ભૂમિકા ભજવી છે અને અનિતે, વાણીની ભૂમિકા ભજવી છે. લગભગ 45 કરોડ રૂપિયાના

બજેટમાં બનેલી આ ફિલ્મનું નિર્માણ અક્ષય વિધિ દ્વારા કરવામાં આવ્યું છે. દર્શકોના

જોરદાર પ્રતિસાદ અને ઉત્તમ બોક્સ ઓફિસ પ્રદર્શનને કારણે, આ ફિલ્મ મોટી હિટ

બની રહી હોય તેવું લાગે છે.

હિન્દુસ્થાન સમાચાર / લોકેશ ચંદ્ર દુબે / સુનીત નિગમ

હિન્દુસ્થાન સમાચાર / માધવી વ્યાસ